你要創業，喺香港自然要開公司，你會揀 無限公司 還是 有限公司❓
今日，你會得到兩份禮物🎁，第一份禮物，
👆🏻 直接睇片，『開有限公司定無限公司❓如何決定❓三個Tips幫到你❗ 』
唔洗睇文字⏰刷新你對 "公司" 只係為咗滿足法律要求嘅刻板印象❗❗
第二份禮物 🎁
完全免費，幫你決定開無限公司 定 有限公司 點樣揀公司秘書 Agent 幫你創業做生意嘅攻略 Checklist
收完禮物🎁，我哋即刻開始 ❗ 解答你第一個問題： 其實咩係 "公司" ❓ 比5秒時間諗一諗，同下面呢幅圖有咩關係❓
就好似 “手鑽+螺絲批” vs “電鑽電批套裝”，同一個畫面，答案就係 “無限公司” vs “有限公司” 。一般人買個手鑽+螺絲批放喺屋企，好正常，因為經濟、易用、輕便、攞喺手就用得 (= 無限公司)。但係，假如你要喺屋企幅石屎牆上面鑽窿掛畫，要用手工具去完成，就顯得有啲勉強啦。而假如你其實係做裝修嘅，咁就更加無可能日日用手工具去搵食，電鑽電批先係合適嘅工具。
所以，同一個道理，你開公司個目的係要 “用” 間公司作為工具嚟到做生意，賺錢，確保有限責任風險保障，令你站喺安全嘅位置創業、創富，獲取成功 ❗❗
“用” 有限公司，唔係成立完，一句 "有限責任" 咁簡單，而係你每一日經營你盤生意，實踐你個創業計劃，你自己，有咁嘅需要，全部同你有關❗❗
合約、協議違約金、產品意外、運輸延誤、各種營運風險
勞資糾紛、工傷法律責任、各類賠償風險
擴充生意業務借貸、新投資者權益、集團架構設立，完善分散及降低風險
夾份做生意、投資生意、買賣生意連牌照，公司條例法律保障
進階稅務規劃、資產管理、跨國業務、企業財富傳承
香港創業，失敗率其實非常高，就算計埋 『幸存者偏差』 平均要三(3)次創業先成功 [迷💬之聲音： 即係好似拍拖💓咁，初戀就可以白頭到老嘅，始終只係佔少數。而重點係，失戀(敗)唔緊要，最緊要學會保護自己，然後，機會來到，就會開花🌹結果🍎]
(Source:- 陳景道 - 3次創業屢敗屢戰 (2021年05月17日) (Source:- 孔繁揚（Randal） - 3次創業才成功 過來人：貴在堅持 (2019/08/20) )
點解？ 因為香港開公司太平太容易，而要成功賺錢就剛剛相反~
以下兩個問題一齊去諗一諗
問： 請問你覺得香港嘅教育，有無教過我哋點樣創業成功？ 又有無中學課程教點樣 “用” 有限公司、創業相關風險同法律責任？
問： 假如你係第一次創業？試諗吓個比喻，一位從未用過電鑽嘅人 (人生總有第一次)，落場做嘢就要去鑽磁磚 (易碎)，你認為一次就成功鑽到個好完整嘅窿出嚟嘅機會大唔大？ 一項有風險嘅工作，無師傅喺隔離傍住教路，你諗住花幾多時候同機會去無師自通？
所以，用 無限公司 還是 有限公司 創業做生意，你需要嘅，唔單止係一間公司，有限責任/無限責任咁基本，而係一個服務，有專家喺你身邊幫你 “用盡” 間公司，去幫你完成創業做生意賺錢嘅目標！CatcherBiz 幫你開公司，首先，就係要幫你揀啱件工具 (無限公司 vs 有限公司) ，因為用錯工具，生意做唔成不特止，最怕係孭住周身債。
現時網絡電子商務發展成熟，創業年輕化，資金門檻亦都低咗 (Source:- 初創在香港：創業者與企業的特徵) 加上 開公司太容易 (亦太平)，令好多創業嘅朋友專注喺搵生意、經營個層面，而忽略咗風險、法律責任果邊嘅問題。
成功，唔單止要諗點贏，仲要幫自己唔好輸
舉個例子，你開咗間 CAFÉ？第一步覺得要睇咗舖、搵咗地點先，好自然吖。搵到啱心水舖位，比個經紀講多兩講，就簽咗臨時租約，想 Hold 住間舖先。未有公司喎，好自然就用咗個人名義簽租約啦。 租約通常3+2 (年)，平平哋，租金每月萬八，3年租金總共 HKD648,000-，5年就HKD1,080,000- 用錯個人名義簽租約，即係有乜事，個欠租就要由個人承擔，咁就算你本身成立果間係有限公司，有限責任個保障都無用啦。仲未計退租要還原單位，還原工程太貴，業主份不平等租約又指定你要比一筆錢替代還原工程；再之後，因為係生意做唔住，員工唔係辭職，係比公司遣散，遣散費比唔到出嚟，你估勞工處會唔會放過你？然後勞工處發現公司無跟足勞工法例 (年假、病假、休息日、勞保、MPF) ，又或者做生意期間發生工傷呢？
以上種種情況，有限公司有限責任之餘 間公司秘書 Agent 識唔識點樣幫你“用”間公司去降低風險？
故事繼續，簽完租約之後嗱嗱聲去成立有限公司、盡快申請銀行戶口啦，點知個 Banker 話，因為公司無業務證明，份租約又唔係公司名義簽嘅，建議你同業主傾，租約改返公司名先 (P.S. 有解釋已經叫做好好，好多 Case 連解釋都無，拖你兩個月就咁一個 Email 話唔批就算)。咁你呢一刻，租約就已經簽咗，時間又唔等人，錢就倒水咁洗緊出去，問一問你自己，會唔會希望創業第一步就已經遇上咁多阻礙？
你會選擇自己辛辛苦苦三(3)個月都開唔成銀行戶口？ 還是揀一間有料到嘅 Agent，盡快開戶 令你可以集中火🔥力搵生意？
所以，第一次創業嘅你，需要嘅，唔單止係一間有限公司咁簡單，重點應該係要有專人教路點樣 “用” 間有限公司，而果位專人正正就係
YES, 公司秘書公司 (Agent) ❗❗
公司秘書個發牌制度就已經推咗好幾年，正常而言，收得你錢做公司秘書嘅，最起碼都要確保你間有限公司係合乎現行嘅公司條例同法規 (例如，打擊洗錢及恐怖分子資金籌集條例)，之不過，事實並非如此，坊間你會接觸到嘅 Agent 係呢兩類
點解？ 「一分錢，一分貨」 吖嘛~
間間 Agent 都鬥平，平先有生意，要平，唯有量產，咁先賺夠錢出糧同交租（香港地乜都貴。。。），於是，犧牲嘅就係上面所講，應該要幫你創業嘅服務。反過嚟，到你撞板搞唔掂，你主動問間Agent可以點算，果一刻先出手，報個靚價比你，佢賺嘅錢仲多。
以前，呢種模式可能問題唔大，因為銀行開戶唔難，大環境都唔差，遇到問題咪當交學費囉，你賺得返吖嘛。但依家，無人教路，你撞板個代價，好可能除咗輸曬你辛辛苦苦儲落嚟嘅積蓄，錯失創業起步階段保貴嘅時間，因為浪費咗啲創業資金同時間，最終創業失敗之餘，仲要孭住周身債。
所以，CatcherBiz 做得你嘅 “公司秘書”，除咗確保你安全合法咁做生意，我哋仲要做埋你嘅 Business Advisor (Enabler) ，協助你，幫你成功起步創業，“用” 盡間有限公司嚟賺錢。
你，揸住架飛機，準備要起飛啦。 你未必會留意，但其實條跑道上面有好多碎石，未有清乾淨就勉強起飛，最可怕嘅後果就係機毀人亡。而 CatcherBiz，就係要喺你 Start Engine 之前，先幫你清理好條跑道，呢個角色唔起眼，但我哋知道我哋做緊乜。
講咗咁耐，揀 CatcherBiz 成立有限公司，你會得到啲咩？
HKD2,000 成立有限公司 (原價 HKD2,680) (包曬全套公司文件連公司印)
HKD2,000 CatcherBiz 擔任一年公司秘書 如同時委託 CatcherBiz 成立有限公司 (首年優惠價只需：HKD1,500)
套餐服務 (成立有限公司 + 一年公司秘書)
總共價值HKD4,680 優惠價只需：HKD3,500
(套餐優惠只適用於公司架構少於三(3)層， 董事股東不超過三(3)位並使用香港身份証註冊之香港有限公司， CatcherBiz 保留最終決定權) 收費不包括政府費用 (註冊費 HKD1,720，BR 費用 HKD2,200)
假如你需要註冊地址服務，留意返，因為公司註冊處有機會上去註冊地址突擊檢查公司文件 (重要控制人登記冊) 備存點要有一位 “指定代表” (https://www.cr.gov.hk/tc/legislation/scr/faq.htm)
所以，租用 CatcherBiz 公司註冊地址，必須 同時委任 CatcherBiz 為指定代表，收費如下
HKD2,500 租用一年公司註冊地址 + CatcherBiz 擔任一年公司指定代表
當然啦，為咗幫你創業，參與套餐服務 (成立有限公司 + 一年公司秘書) 嘅朋友，只需要加 HKD1,500 (直接減HKD1,000比你)，就可以有齊 (一年註冊地址 + 指定代表) ，我哋仲要 免費 送🎁你首年收信地址服務 (只可收信，不包括包裹)，因為知道你一開完公司，下一步就要申請公司銀行戶口，需要地址收銀行咭、支票簿、網上銀行密碼信。。。等等。
總之無論你揀邊個 Package，都有優惠同有嘢送，仲要全部都實用對你有幫助，亦絕無 Hidden Cost，令你創業路上輕鬆一點，盡快集中精力搶攻搵生意。
如果你個創業計劃好需要一個業務地址 (因為風險問題唔想用屋企地址)，有限公司 + 註冊地址個服務費用 Out-Budget，呢到又溫馨提示一下，會唔會試吓搵 CatcherBiz 傾一傾先，睇吓有無機會先申請無限公司，諗諗計控制好個風險，賺到頭一筆錢去幫自己用返有限公司嚟拓展業務？
感謝你 🙇🏻♂️🙇🏻♂️🙇🏻♂️ 睇到最後 ，希望你感受到 CatcherBiz 真誠想幫你創業嘅心意 😊，願意 CatcherBiz 再為你送上一份祝福，為你準備咗一本小小的 E-Book 《香港開公司、揀 Agent 攻略 Checklist》 送比你，YES!! 完全免費，直接 Click 一下就可以 Download
預祝你揀到間啱你嘅 Agent，成功創業 💪🏻💪🏻💪🏻。
有興趣了解多少少創業開有限公司嘅資料，可以睇一睇呢個 Blog - 【香港創業】開有限公司 10問10答 Q&A - PART I 開公司精華懶人包 。
因為每一個創業計劃都係 Unique 嘅，要搵到間幫到手嘅 Agent，溝通非常重要。假如你有興趣搵 CatcherBiz 成立公司，不如傾一傾，了解吓先❓ 過程非常簡單3步走，WhatsApp (9163 3431) 或者 Email 我哋 - catcherbiz@outlook.com。先了解一下你個需要，隨即送上詳細報價、流程 及 所需文件，然後可以⭐️就你時間⭐️電話傾一傾，再解答你的問題，咁先可以真正幫得到你手 💪🏻，務求你 Ready 先比錢開始工作。希望無論點都好，盡力幫你手，踏出創業第一步👣