開有限公司第二年，周年申報表，公司年檢，會計、報稅，最簡單點做先唔會犯法，最平處理曬所有法律要求， 而又可以開始計劃一下間公司有咩慳稅嘅方法❓ 呢個 Blog 希望幫到你 😊
Blog Post 目錄
++++++++++++++++++++++++++++++++++++++++++++++++++++++
(我係 分隔線)
++++++++++++++++++++++++++++++++++++++++++++++++++++++
Q6. 成立有限公司，第二年 "年檢" 有咩 Tips 可以分享吓？
No. 1 Tips ❗❗ 成立有限公司，只係一個開始，而唔係一個結束。
試過有客查詢，表示一年前自己成立咗間有限公司，以為每年 收到張 BR 交咗錢就完成，直到收到公司註冊處下面呢封信，先知原來仲要遞交 "周年申報表 - NAR1"，於是，除咗要即時補上文件之外，亦多咗個不必要嘅罰款啦~
有以下三(3)件事要留意
會提醒你果位，應該係公司秘書，因為佢應該要識 《公司條例》 (公司法)
收到罰款信，唔好拖，因為唔好彩，有機會要上庭加罰個人責任❗❗ 留意一下，"公司註冊處 - 遵從法規 FAQ - Q10 & Q11" https://www.cr.gov.hk/tc/faq/faq-compliance.htm
而事實上，"年檢" 亦只係一個開始，之後仲有一系列工作等住要跟進
所以，假如咁啱你係自己開公司嘅，上述工作你要留意一下。
而如果你係搵 Agent 幫你管理間公司嘅，咁佢又未必會 🤔
事先提醒你，反而係最 Last Minute 先同你講，仲要一開口就講💲❓
除非你開口問，否則唔會事先講解你需要注意嘅事項，一年過去 明明間 Agent 有收錢做公司秘書，但成年都唔覺佢做過啲乜嘢❓
溫馨提醒，你盤生意做幾耐，你間公司就要 Keep 幾耐。你希望間公司秘書 (CoSec.) 係專業又主動咁幫緊你管理間公司吖❓ 還是係 "幫緊你、幫緊你" 嘅客戶服務 (CS)，創業出發之前，最好先諗一諗。
Q7. 成立有限公司，做數 (會計、審計、報稅) 有咩方法平啲，可以慳錢💲又慳稅？
三(3)大要點
由第一步 Book-Keeping 開始做好盤數；
基本會計、審計、稅務條例你要識；
搵一間有料到，幫到手嘅公司秘書 Agent；
點解❓ 因為有限公司 貴💲💲💲 在會計、審計 同 報稅； 所以，只要你揀間有料到嘅公司秘書 Agent，好大機會可以由開業第一天就 Guide 住你，幫你手
會計、審計報價上面幫到你慳錢💲；
Audit Report、報稅上面又會幫你睇實唔會出事；
(Source:- 【2021最新】請會計Freelance價錢指南！核數、稅務查詢服務收費參考！)
坦白講，無人鍾意比稅局收多咗稅，我哋都唔喜歡，所以搵 CatcherBiz 成立有限公司 (Join 全套服務) 嘅創業朋友，當你間有限公司成立之後，我哋會隨即送上一份 《創業禮物包》，其中入面就包括咗一個 EXCEL 版本嘅 Book Keeping Template (簿記範本)
希望做到嘅 ，就係要幫你由成立間公司嘅第一日開始就可以
教你用盡稅局准許嘅可扣除的開支，合法慳稅；
因為你可以選擇自己做簿記 Book-Keeping，到第二年會計，由於好多功夫 (Data Entry)已經做咗，會計費用自然可以平啲 [用 CatcherBiz Book-Keeping EXCEL Template，最平初創公司會計可以只係收 HKD2,800 = 慳錢💲]；
並且，由於你一開始已經有妥善保存業務紀錄 ，審計方面亦都會平咗、輕鬆咗，仲會少咗機會比 Auditor 出 Qualified Opinion (保留意見) - 初創一般會因為未能提供充足的核數憑證/文件 [例如：出入數無相關單據] = 少啲機會比稅局開 File 查稅 (收到查稅通知信即係又要跌錢💲)；
(P.S. 基於 TCSP牌照規範，我哋暫時只會幫現有客戶處理會計相關服務，講聲唔好意思先 🙏🏻)
Q8. 講開 Audit (審計)、報稅，咁 CatcherBiz 會幫手安排嗎？收幾錢？
當然 ❗❗ 幫得你準備好會計，無理由唔幫手處理 Audit (審計) 同 報稅吖。
至於幾錢，審計費用，初創第一年，一般五千起 (💲5,000)，平均 9千 (💲9,000)
(Source:- https://www.hellotoby.com/zh-hk/c/香港審計價格資訊 )
因為法例規定，要 "獨立" 核數師，實際操作上就會先幫你做好盤數 (會計)，有曬資料再幫你同好幾間有合作開嘅 Audit Firm 問攞報價，然後揀一間個價最靚，唔會隨便出 Qualified Opinion 嘅 Auditor 比你考慮。 價錢唔啱，唔緊要 😊，你攞住份 Financial Report (財務報表)，出去搵第二間 Audit Firm 問價亦都可以，重點係你有選擇權💪🏻，因為你盤數齊齊整整，Audit Firm 報價容易，亦較少有海鮮價嘅問題。
而假如價錢啱嘅 (其實 無Network 街客價 就間間都差不多啦~)，我哋會幫手同你跟進整個 Audit 過程，做中間溝通個位，確保你個 Job 唔會比間 Audit Firm 放埋一邊 (因為間間公司都係12月底或者3月底做數同報稅，間間 Audit Firm 都忙到甩轆)，所以，有間專業秘書公司 Agent 跟得貼啲都非常重要。而我哋會收返個少少服務費，一般 Audit 費用 10-20% 不等 (即係幫你將 Audit 費用由 HKD8,000 傾價減到HKD6,000，然後你實際比 HKD6,600-)，總之務求大家都 Win-win-win
CatcherBiz 作為中間人個角色嘅主要工作就包括
格價，搵最靚價果間 Audit Firm；
盡力幫你避免有 Qualified Opinion；
初步幫你望一望有無可扣除的開支未有用盡 (度身訂做 Tax Planning 要另外收費)；
跟進整個 Audit 過程，依時報稅，以免遲交產生罰款；
耐心解釋清楚 Auditor 方面任何文件要求 (Auditor Peak Season 通常少啲啲耐性)；
簡單嚟講，盡力幫你頭幾年可以專心賺錢，生意盡快上軌道，到你公司賺大錢果時
你 Win - 可以有份靚仔 Audit Report + Track Records 問銀行借錢擴充生意，甚或唔洗借錢已經可以成立集團架拓展業務；
我 Win - CatcherBiz 做得好，你滿意，自然會介紹更多朋友用我哋嘅服務；
Auditor Win - 你盤生意做大咗，Audit 費用自然會有所調整，假如你有 Tax Planning 嘅需要，Auditor 就更加開心，情願大家 Win-win-win 都唔好比稅局收多咗稅吖嘛；
長遠合作共贏，係 CatcherBiz 要求自己盡力達到嘅目標💪🏻。
Q9. 有限公司頭兩(2)年要留意嘅事都比你講曬，仲有無咩容易忽略嘅事？
有，申請牌照 ❗❗
有幾個重點可以同各位分享一下
漏咗申請牌照！ 最常見嘅係賣蛋糕、Cupcake，自家製食品果類，事實上係要先申請 "食物製造廠牌照" 然後開始做生意。建議初創朋友就算未必有充裕資金自己出牌，最起碼都去租用持牌 "共享廚房"，以免違法。 而其他生意，假如想知道洗唔洗申請牌照，可以入下面 Link 自己查一查先 https://www.success.tid.gov.hk/tid/tcchi/blics/index.jsp 放心，假如搵 CatcherBiz 開公司，了解咗你個創業計劃之後，有可能要出牌嘅，我哋都會幫手確認牌照要求💪🏻
用無限公司申請牌照 諗一諗，牌照背後係啲咩❓ 係政府部門嘅監管、規例、甚或刑責❗❗ 簡單一句，就係出事嘅時候要有人孭飛。 咁有限公司，就算未必可以將全部責任免除，但必然可以依據法例，將部分風險轉移去間有限公司上面，唔洗全部責任自己一個孭曬。 並且日後公司轉讓、套牌都方便好多，有限公司無論風險管理 或者 經營變換 都有實際用途。
未開始申請牌照就先申請開銀行戶口 明白好多人正常嘅理解係 開公司 ➡️ 開銀行戶口 ➡️ 租地方 ➡️ 搵牌佬/自己申請牌照。 但而依家個 關鍵位 同 困難位 轉移咗喺申請銀行戶口 上面 你要準備業務內容同文件去申請銀行戶口先有機會成功 假如想避免舖頭裝修 Ready，員工都請埋，就差未有銀行戶口收錢，好多電子支付器材都要等有銀行戶口先啟用到嘅情況。現時個安排可能要有少少唔同 成立有限公司 ➡️ 前期準備功夫 ➡️ 臨時租約 + 搵裝修報價 + 搵牌佬報價 ➡️ 申請銀行戶口 ➡️ 銀行無太大問題 (約你見面簽文件) ➡️ [同一時間：- 簽正式租約打釐印 + Confirm 牌佬 正式申請牌照 + 開始裝修] 重點，記住用有限公司名義簽文件，由有限公司孭飛。
Q10. 開公司，諗諗吓，我都係想搵人幫手，有咩方法可以搵到間好嘅 Agent (公司秘書公司) ？
揀 Agent ，最重要一點係要 "幫到手" ❗❗
講真，百貨應百客，一分錢一分貨啦。 你創業做生意，當然希望可以集中火力去賺錢搵生意，而唔係花時間去學，去研究 《公司條例》、《稅務條例》 點樣做先唔會違法 同 對自己盤生意最有利，所以，送最重要果三(3)點比大家 😊
公司文件要齊，就最基本嘅
價錢 (真實性價比)❗❗ 建議留 Email 攞個詳細報價先，順便都睇一睇個 服務內容 同 所包括嘅文件齊唔齊（例如，公司印、公司登記冊 。。。等等），了解清楚第一、二年個整體費用會好啲。
問問題 Q&A 正如開始咁講，你要集中火力🔥去賺錢搵生意 透過問問題去感受一下 Agent 是否專業❓ 日後會唔會合作愉快❓ 有問題回覆得快唔快，是否願意解釋❓ 間 Agent 幫唔幫到手，可唔可以 Suport 到你個需要，最好事前傾一傾，了解一下
一間差勁嘅 Agent ，可以幫唔到手之餘，仲搞到你自己要不斷花時間心力去執手尾，Bank AC 又開唔成，甚或有問題出現果時 （例如，比銀行 Close 咗個個人戶口、遲交周年申報、比稅局出信罰款 。。。等等），搞到成個創業計劃被迫暫停甚或被迫結束。結果，由此至終，間 Agent 都淨係識出 Template Email 問你比錢💲，呢個又係唔係你希望嘅結果呢？ 詳細要點樣揀一間可靠嘅公司秘書 Agent，可以睇一睇呢個 Blog ，入面仲有 免費🎁 《香港開公司、揀 Agent 攻略 Checklist》 可以直接 Download ❗❗
創業要進可攻，退可守 ❗❗
攻⚔️，自然要靠每位創業朋友自己嘅能力啦 💪🏻
咁守🔰呢❓ 點樣確保法律保障之餘，又妥善做好資產保護❓
無安全守護🔰，點可以令自己安心進攻❓
創業，會不斷遇到難題，你解決越多困難，你就越快成功。每個人時間有限，精力都有限，你要決定你最保貴嘅時間同心力，要投放喺盤生意上面吖？還是喺一啲好煩，好花時間，但同賺錢💲完全無關嘅事上面呢？
今日呢個 Blog 就暫時到呢一到，有興趣睇返 PART I 嘅朋友，Link 喺呢到方便大家➡️ 《有限公司 10問10答Q&A - Part I》 ，為您分享以下 5個問題
Q1. 我有個創業計劃，準備緊，請問 幾時 (When) 要去成立有限公司？
Q2. 依家成立香港有限公司要幾錢？
Q3. 成立香港成立有限公司，通常要幾耐時間？
Q4. 一開完公司係咪即刻可以去銀行開戶？仲有，搵 CatcherBiz 協助銀行開戶係咪不成功不收費？
Q5. 開完公司出嚟，仲有文件要補？
感謝你 🙇🏻♂️🙇🏻♂️🙇🏻♂️ 睇到最後 ，希望你感受到 CatcherBiz真誠想幫你創業嘅心意 😊。假如你有興趣搵我哋成立公司，不如傾一傾，了解吓先❓ 過程非常簡單3步走，WhatsApp (9163 3431) 或者 Email 我哋 - catcherbiz@outlook.com。先了解一下你個需要，隨即送上詳細報價、流程 及 所需文件，然後可以⭐️就你時間⭐️電話傾一傾，再解答你的問題，咁先可以真正幫得到你手 💪🏻，務求你 Ready 先比錢開始工作。希望無論點都好，盡力幫你手，踏出創業第一步👣
Commentaires