【必睇懶人包】 開有限公司流程、費用、條件同注意事項🌟真正開有限公司教學🌟❗❗

Updated: Oct 25


做得開有限公司懶人包,當然要以方便你為主 😊,👆🏻先送份禮物比你,最上面呢條片就係開有限公司教學。想自己開有限公司、開有限公司流程要點做、成立公司注意事項有啲乜

仲解答你到底自己開有限公司❓ 定比錢搵人搞好❓


全條片段 總長 30:25 ,建議預留時間坐定定🪑咁睇 👀 未有時間❓

" Ctrl + D" Bookmark 咗先 因為幫自己 Save 低有用嘅創業資訊嚟學習係成功老闆無講比你知嘅創業小 Tips

Blog 目錄

++++++++++++++++++++++++++++++++++++++++++++++++++++++

(我係 分隔線)

++++++++++++++++++++++++++++++++++++++++++++++++++++++


開有限公司費用,成立有限公司最平要幾錢💲❓

成立有限公司最平嘅方法,當然係 自己開有限公司,主要開公司成本有

然後,開有限公司程序上,取得公司證書就可以幫公司訂

  • HKD300 一套公司印章 (長印 Authorized Chop 及圓印 Round Chop)

  • HKD350 八(8) 本公司章程細則 (書仔) 銀行開戶,簽合同,轉股要用,借貸 之類 都會需要 所以一般都印多幾本 Keep 喺手

  • 💲💲💲 時間成本 - 再自己準備好法定公司文件 (股票證書、公司登記冊、重要控制人登記冊、 首次董事決議、開業通知書)

所以,成立有限公司最平,檯面上支出,HKD2,620 已經可以自己註冊一間有限公司。 當然,搵 Agent 開有限公司亦係一種常態,連公司註冊處 都係咁提議 😅

與其自己搞到一頭煙,可以考慮比個機會 CatcherBiz 一次過幫你成立有限公司,保證你註冊有限公司完成之後,全套法定公司文件必定齊全,妥妥當當 💪🏻。隨時歡迎你嚟搵我哋傾下 catcherbiz@outlook.com,喺下面留 Comment,Facebook PM 或者 WhatsApp (91 663 993) 我吔都可以,攞個報價比較吓,順便攞埋個免費諮詢都唔錯😊


真。香港人開有限公司流程❗


開有限公司個流程,主要分 (i) 網上申請,以及 (ii) 紙本提交 (傳統方式),兩者喺實際操作上所需時間其實差不多,要 7-10個工作天最上面條片入面有詳盡講解,都截圖入面個開有限公司流程同申請條件(基本要求),方便你參考

咁網上申請有限公司個流程,明明係 1-2日,又點解話實際操作上都要 7-10個工作天呢?


係因為喺網上遞交申請有限公司之前,你要先取得一個 CTC (核證版身份證),並且用呢份 CTC 先完成個人用戶登記,然後正式開始網上申請有限公司個流程 (1-2日),咁流程上要搵專業人士 (如註冊公司秘書),登記個人用戶,呢到可能要 5-7 左右,所以整體而言就變得同用傳統方式紙本提交個申請有限公司流程差不多啦。


並且因為網上申請有限公司,只有 pdf 版本 公司成立證書 (CI) 同 商業登記證 (BR),無正本紙張版本可以取得,所以,如果你係做實體生意,一般都建議用返傳統方式申請有限公司,方便日後使用。


截圖講起開有限公司條件,除咗上面提及嘅基本要求,呢到亦順帶提一提

  • 有限公司董事第一位(首位)必須為個人,並且如果間有限公司只有一位董事,該位唯一董事就唔可以同時兼任公司秘書一職。

  • 於是,如果你要自己成立有限公司,一人公司,自己做唯一董事及股東,咁你就必須另外委任一位香港公司秘書,呢個亦係一個原因會考慮直接搵專業秘書公司幫你開公司

  • 而香港有限公司股本並沒有最低金額要求,即係最簡單1蚊雞公司 (HKD1.00 / 1股) 就可以,而一般默認 (HKD10,000.00 / 10,000股) 就主要方便日後有機會要轉股、加新股東,即係假如公司只有一股,就無辦法將果一股再拆開,細分個持股比例 (如 60%/40%)

  • 指定代表都算係新開有限公司條件,2018開始嘅要求,所以都最好留意一下,主要係當有政府人員上門巡查時,指定代表有責任向政府人員提供協助

以上全部都同時有喺 【香港創業】開有限公司 10問10答 Q&A - PART I 開公司精華懶人包 提及,有興趣可以睇一睇。


開有限公司注意事項你要知 💪🏻


有限公司一般係講緊喺香港成立本地有限公司,即係私人股份有限公司 (Private Company Limited by Shares),有限責任果種 (所以簡稱 "有限公司") ,好自然,就係盡可能唔想有孭飛位。 假如你係打算 自己開有限公司 ,咁就要意返,申請完成,一定要補返齊啲後續公司文件,如果唔係,已經犯法,比公司註冊處捉到,除咗罰款,仲有機會要上庭留低一個永久記錄 ❗❗ (公司註冊處 - 遵從法規 - 檢控個案概要)

除此以外,香港開公司注意事項仲有好多,特別要留意開公司並唔係只用一年,所以之後每年年檢個成本,會計、報稅個支出,其實亦十分需要注意,唔洗你再周圍搵,已經為你準備好一個成立公司注意事項 Blog Post -【香港創業】開有限公司 10問10答 Q&A - PART II 第二年要幫自己慳錢💲又慳稅


開一人有限公司注意事項

當然,其中一個經常會被問到嘅 FAQ 問題,就係暫時得我一個人創業,咁一個人創業出發,可唔可以都用有限公司呢?所以,CatcherBiz 為你總結出以下3條 FAQ

Q1 一人公司,用有限公司定無限公司好?

有限公司一定好過無限公司,因為有限責任個保障,公司有咩錢債問題,產品風險,都首先係間獨立法律地位嘅有限公司承擔。


當然,跟買保險同一道理,保障係要用錢買嘅,所以,成本考慮上,無限公司係簡單啲,價錢亦吸引啲。


想詳細了解到底應該開有限公司還是無限公司? 呢個 Blog 有詳情

【香港創業】開公司前必睇❗❗無限公司 定 有限公司❓其實咩係 "公司"❓ 公司秘書有乜用❓| 送【免費】《香港開公司、揀 Agent 攻略


重點係,做生意嚟講,其實好難一刀切確認咩行業用無限公司一定得。例如, 開IG網店,平價品利潤唔高,主力賣香港,聽落無限公司應該最啱?但如果我同你講,產品係嬰兒用品 (牙膠 ~ 放入口), “淘X” 入貨,你仲會唔會覺得無限公司有咩事孭上身都無問題?

Q2 一人公司,可以自己做晒董事同埋股東?公司秘書可以搵屋企人做麽?

YES,一人有限公司,同一個人可以做晒董事 (唯一董事)以及 股東 (100%)。


係 “公司秘書”,呢個必要職位,就要由另一人士或者 TCSP 持牌機構出任

https://www.tcsp.cr.gov.hk/tcspls/portal/faq/51/chi-t/TCSP_FAQ1-c.pdf


簡單而言,公司秘書最首先係法例要求,一定要有~ 然後就要識 《公司條例》,依據現行公司法例令公司滿足法律上所有要求 (齊文件),如果唔係,唔識嘅做錯做漏,輕則有政府罰款,重則令公司無法如常運作,致令董事要上庭認罪就好麻煩啦。


Q3 養住間一人有限公司,每年大約要洗幾錢?

平就 HKD12,000-15,000,好生意就 HKD18,000-20,000。


係,YES,你無睇錯,從來開公司都唔係最貴嘅費用,就以 CatcherBiz 為例,

一年公司秘書,收費係 HKD2,000。


因為有限公司要出審計報告嚟報稅,所以,最基本

HKD4,000 會計出一份財務報表,

HKD6,000 出一份審計報告,咁就齊頭 HKD10,000

(來源 FREEHUNTER)


仲要係你識得自己入數做 Book-Keeping (稅務條例要求),否則仲更加貴。

https://www.ird.gov.hk/chi/tax/bus_rke.htm

想了解多少少有限公司第二年點幫自己慳錢慳時間,可以睇埋呢個 Blog

【香港創業】開有限公司 10問10答 Q&A - PART II 第二年要幫自己慳錢💲又慳稅

嘩,乜原來咁多要注意事項㗎 🤔 所以,講到呢一步,好多朋友諗諗吓覺得不如搵 Agent 搞無咁煩,咁就要提多個開有限公司注意事項

就係 🌟注意 Hidden Cost🌟❗

會唔會揀咗間成立有限公司最平,之後先發現原來欠文件,要你自己補訂公司印,仲要加錢先補返齊公司登記冊、重要控制人登記冊 (最怕帳面上好似平咗,點知最終埋單仲貴咗,仲要乜服務都無😢 覺得心裡唔好受,但已經比曬錢💲無得回水唯有焗住用佢)。初創朋友未開過公司,往往未必留意到,所以希望可以幫你手,學識分開公司邊間好❓ 試驗到XX開公司好唔好❓ 假如你想知多少少開公司通常有咩優惠、一間好嘅開公司 Agent 對你創業有咩好處、同做生意賺錢有咩幫助,可以再睇埋下一篇 – 【香港創業】開公司,無限 定 有限公司❓🤔 其實咩係 "公司"❓ 公司秘書有乜用❓ (細細聲: 入面仲有 《香港開公司、揀 Agent 攻略 Checklist》 送比你,幫你自已親身驗證開公司邊間好❗

重 點 !! 香港人幫返香港人

感謝你 🙇🏻‍♂️🙇🏻‍♂️🙇🏻‍♂️ 睇到最後 ,希望你感受到 CatcherBiz 真誠想幫你創業嘅心意 😊。喺你出發之前,先送一個 Business Plan 同埋個 Budgetting EXCEL畀你,係 ACCA (特許公認會計師公會) 香港分會 編製 嘅 商業計劃書 同 創業預算分析表

包括咗個範本 同相關例子,支持你踏出創業嘅第一步

商業計劃書 (範本)

商業計劃書例子 (唯讀)

創業預算分析表 (範本)

創業預算分析表例子 (唯讀)


想了解多D 可以睇吓以下三個 Blog Post


【香港創業】開公司前必睇❗❗無限公司 定 有限公司❓其實咩係 "公司"❓ 公司秘書有乜用❓| 送【免費】《香港開公司、揀 Agent 攻略

【香港創業】開有限公司 10問10答 Q&A - PART I 開公司精華懶人包

【香港創業】開有限公司-10問10答 Q&A – PART II 第二年要幫自己慳錢又慳稅


如果想了解多少少公司銀行開戶要求之類嘅詳情,可以先睇一次公司呢個 Blog 了解要求

【香港創業】香港銀行|公司開戶|10問10答 Q&A


亦歡迎辦公時間,直接約時間同我哋 Over-the-phone 傾一傾 😊

總之應承實你,只要你搵得 CatcherBiz,就盡力幫你手,煩少啲,輕鬆啲,可以全力搵生意,拓展你嘅業務!準備好嘅就隨時嚟搵我哋傾下 catcherbiz@outlook.com,喺下面留 Comment,Facebook PM 或者 WhatsApp (91 663 993) 我吔都可以, 最緊要係用行動嚟證明自己自己創業嘅決心,等你❗

4,337 views