【香港創業】無限公司 的 10問 10答 Q&A
Updated: May 18
【香港創業】無限公司 的 10問 10答 Q&A
全條片段 總共 21:05
建議預留時間坐定定咁睇
下面內容係 全個 YouTube 片段 嘅文字版
一次過睇唔曬，不如先 Bookmark 咗佢，之後慢慢睇，再之後重溫內容亦方便好多
Blog Post 目錄
++++++++++++++++++++++++++++++++++++++++++++++++++++++
(我係 分隔線)
++++++++++++++++++++++++++++++++++++++++++++++++++++++
有關申請 BR (商業登記)，開 "無限公司" 做生意，你最需要知嘅 10 問 10 答就喺呢一到講曬比你知，事不延遲，即刻開始！！！
Q1. 乜嘢係 "無限公司" 原來唔係公司？
A1. 無限公司 只係一個 普遍叫法，主要針對佢 "無限責任" 風險嘅特質，實質上你係以個人名義申請一個 "商業登記"，而由於登記證的發出機構為 稅局轄下嘅 商業登記處 ，可想然之，商業登記證嘅主要作用係為咗報稅，其本身並沒有任何 "公司" 相關嘅功能 (如：獨立法律地位，受公司法所保障，以及有限責任風險控制管理的優勢。。。 等等)。
想了解更多，可以睇一睇我哋呢條片 【香港創業】無限公司，原來唔係公司。
Q2. 想問一下，我主力係做網上生意嘅，辦公室地址，咁用屋企住址登記得唔得？
A2. 我只可以講，你會申請到個 商業登記證出嚟，但係呢個處理唔理想，我哋喺之前條片到有提及點解唔建議用住址去做生意 【香港創業】開無限公司 申請BR 流程 全攻略。
Q3. 開無限公司申請 BR，預算費用要多少？
A3. 假如自己申請開無限公司，政府費用HKD2,150 *，加上時間，來回交通費就Okay。假如你搵我哋 CatcherBiz 成立無限公司，幫你做跑腿 **，為咗幫你創業，有興趣嘅朋友，可以睇吓呢個 Blog Post 【香港創業】 開無限公司 申請BR 流程 全攻略 ，因為，除咗申請BR，搵我哋幫手，完成之後仲有撐你服務，幫你創業路上，行得輕鬆啲。 * 2023年4月1日，商業登記費由每年 150 元調整至每年 2,150 元。
https://www.ird.gov.hk/eng/pdf/brfee_table.pdf
** 2022年6月20日，新商業登記申請 “即日籌”，以網上預約全面取代。
https://www.ird.gov.hk/chi/pdf/bro_enh_20220606_c.pdf
CatcherBiz 亦由即日起，改為往稅務局收件櫃位遞交申請，申請時間會有所延長。
有無辦法 🤔❓ 有無諗過可以申請豁免商業登記費 = 💲0❓
指定 Package，合資格，只需加 $300，就為您申請埋豁免，慳返💲2,17
傳送門🚪：- https://wa.me/p/6218963544834158/85291663993
Q4. 無限公司點報稅，稅率幾多？
A4. 應評稅利潤的利得稅率 分別為
頭二百萬元 (HKD2,000,000)
7.50% - 無限公司(BR - 個人獨資)，其後 15.0%
8.25% - 有限公司，其後 16.5%
再講多少少，無限公司報稅，喺個人報稅表入面申報，填寫喺第五 (5) 部份；所以，無限公司嘅報稅年度就自動定咗同個人一樣，都係由上年4月1 到當年3月31為期。
但係，要留意嘅係，無限公司稅率同個人稅制唔一樣，一邊 7.50% & 15.0%，另一邊薪俸稅係累進稅率，HKD120,000 以後餘額稅率為 17%。 而當無限公司報稅時選擇 "個人入息課稅" 則會按累進稅率計算稅額。
Q5. 無限公司既然同個人稅一齊報， 但稅制又唔一樣咁， 咁最後係點樣計我要交幾多稅呀？
A5. 問得好，首先，無限公司 (A) 同個人稅 (B) 要分開各自計要交幾多稅，假如 (A) 同 (B) 要交嘅稅額都係正數，咁好簡單，要交嘅稅就係 (A)+(B) 啦。
但假如其中一邊 (A) 或者 (B) ，係完全唔使交稅，咁要交稅果邊，就可以用盡另一邊嘅 (A - 虧損) 或者 (B - 免稅額)，嚟到去減輕要交稅嗰邊嘅稅務負擔。
下面呢一個係用無限公司選擇 "個人入息課稅" 從而減輕稅務負擔的例子 (Source:- 稅務局 - 個人入息課稅簡介)，亦係好多初創客戶，由打工仔轉身做老闆個起步階段，我哋幫手報稅時會提醒一下，盡量計一計點樣報稅最抵。 而 CatcherBiz 之前拍片都有簡介個人入息課稅，有興趣可以睇一睇。
Q6. 無限公司 申請 網站域名 (Domain Name)，洗唔洗 用返同一個名？
A6. 不論係有限公司定無限公司，公司名同 Domain Name 係 "唔需要" 同名嘅。
明白嘅，好多時候，你喜歡嘅公司名，個 Domain Name 可能已經比人用咗，又或者你個公司名會出業務字眼 (比如：ABC Import and Export Company)，而你想個 Domain Name 簡潔有力一啲，淨係出 ABC 呢個名，所以有此一問，放心，兩者係分開註冊的。
另外，依家 Domain Name 嘅選擇都日新月異，就算你喜歡嘅 Domain Name 比人用咗 (比如：www.ABC.com)，你都可以考慮一下其他新興 嘅 選擇，總有一個適合你
.site
.company
.expert
.life
.live
.online
.shop
.solutions
Q7. 我依家開無限公司啦，咁到日後 轉做 有限公司 嘅時候，可唔可以用返無限公司個名㗎？
A7. 假如你都有諗過呢個問題，咁呢度有幾件事你要留意下啦
有限公司 同 無限公司 係完全兩個不同 嘅註冊體系，所以，無限公司係 無得 轉做 有限公司 (哭哭)，而解決方法係，當你嘅生意上軌道，想開始轉用有限公司經營，咁你可以先成立一間新嘅有限公司嚟到去接手你原本嘅生意，之後再視乎情況，結束間無限公司；
而至於公司名呢個問題，就唔一定可以 100% 用返你無限公司個公司名啦。當然，我哋都經常會遇到呢個情況，所以，都會有好幾個方案可以幫你去處理呢個問題；
另外，提一提有關 公司名 要留意嘅事，喺香港， 註冊公司名係唔等同於你註冊咗商標，商標係要另外註冊，咁所以 如果你係好重視 你個公司名 嘅代表性，就算你唔會一開公司就即刻去申請註冊商標，都應該去 Check 一 Check ，你想用嘅公司名有冇已經比人註冊咗做商標，以免日後反過嚟要改公司名嘅麻煩。
Q8. 既然無限公司即係我本人，咁我可唔可以直接用 個人銀行戶口 做生意？係咪一定要開公司戶口？
A8. 又係啦，雖然稅局基本上唔太理，但係香港嘅發牌銀行係講到明唔比你咁做嘅，詳情可以睇一睇 我哋 呢條片入面嘅講解 【香港創業】開無限公司 申請BR 流程 全攻略，簡單嚟講， 係因為 香港金融管理局 - 打擊洗錢及恐怖分子資金籌集 嘅條例及法定指引，要求銀行必須要做做足監管措施，咁所以 你真係選擇用個人銀行戶口做生意，就要考慮返 會畀銀行 Close Account 嘅風險啦~
而事實上，無限公司 都照樣可以開到公司銀行戶口，當然，自己申請，唔識 😵，唔熟文件點準備 🥴，一定難 ❗ 介紹 Banker 都無咩用 😥。想了解多少少公司銀行開戶要求之類嘅詳情，歡迎先睇一次公司呢個 Blog 了解要求 【香港創業】香港銀行|公司開戶|10問10答 Q&A
如果想知 CatcherBiz 點樣協助您一開公司就隨即準備申請公司銀行戶口，可以參考一下以下呢個 Post 😊
Q9. 無限公司講風險，咁做生意就一定有風險，咁有咩生意你覺得唔高風險，可以用無限公司呢？
A9. 無謂長篇大論，簡單啲，基本上滿足到下面全部 3 點嘅生意，都可以用無限公司
客戶目標群係 香港市場嘅個人零售
9 成以上工作由你個人管理及控制
任何第三方責任均喺你本人可以承擔之內
例如：
你自己有間細細哋嘅樓上 Studio 搞影相，影見工相，寵物相果啲；
網店賣小飾品，文具，水晶小擺設 (裝飾品) 。。。等等；
網上幫人設計 Logo，寫寫文稿，做 Translation 之類 On-demand Freelance 工作，同第一點 Freelance Photographer 背後個原則差不多；
你自己做畫家，水墨畫家，網上賣自己嘅藝術品；
咁所以，可以用無限公司做嘅生意，其實都有唔少，最重要係你知道同處理到個風險。
Q10. 你覺得有限公司 對比起 無限公司，最大好處係啲乜？
A10. 好處有好多，但最大嘅好處當然係 有限公司 比到你一個 獨立 於你以外嘅身份 同 法律地位，並且可以成立不止一間嘅有限公司，代表你自己本來只有一個人，一個身份，一個法律地位，但藉著成立有限公司，你可以做到 "真正" 的分散風險，放開手腳咁去創業。
當然，有限公司仲有好多其他嘅好處，簡單嚟講：
有限公司 係 獨立 於你以外嘅身份 同 法律地位，即係所謂 "有限責任" 啦；
有限公司，可以好方便咁加減股本，增減投資人數 比如你開 CAFE，最起初係用自己資金額投資，到某個位，生意未去到賺錢，收支平衡嘅階段，但又未至於完全唔可以做落去，假如你用無限公司，注資方面就未必咁容易，用個人名義銀行借錢咩，因為已經叫做失業咗好一段時間，似乎都唔容易；反而有限公司，注資方面個自由度就大好多，比如用公司 三 (3) 成 股份賣比新投資者換取再營運多一年嘅資金，咁樣，成功機會自然就大好多啦~
方便買賣吐現 仲有，到你都賺到錢，間 CAFE 上軌道啦，唔想咁辛苦，想直接賣盤吐現，同樣啦，假如個餐廳牌照由無限公司持牌，咁基本上等同係個人名義持有，要套牌換手基本上就唔得，最多只能夠當賣搵食工具，咁賣盤個吸引力就自然無咁大啦~
承傳。 說到底，自己盤生意真係一擔心機，嘔心瀝血嘅成果，總係想後繼有人，無限公司由於係個人名義，BR 基本上無股份轉讓 或者 轉名嘅安排，要傳承，最終都係要用有限公司，做股份轉讓；
國際認受性。由於香港有限公司文件上基本都有中英文，並且有公司查冊同國際公證輔助，所以喺好多跨國 E-Commerce 平台，香港有限公司都係比較易註冊批核嘅~
加碼 Special！！因為經常有查詢問起 😊 想盡量幫您創業順暢啲
Q11. 無限公司 自己申請 BR，最常漏做啲咩？
A11. CatcherBiz 日常都會收到不同類型查詢，問起無限公司嘅問題，而以下係比較常見會遇到嘅情況，同你分享返 😊
TOP 1 - BR 過期罰款 = BR 過左期，未有依時續期商業登記證
罰款都唔係咩大問題，麻煩係最終會搞到要上庭 (提堂 - 有圖有真相 - 求其一日新傳票都80飛)
您問點解？好多時個表達都話 "收唔到" 同 "唔記得"。再之後
TOP 2 - 無限公司漏報稅
同樣，好多時都已經係去到比稅局告上庭先打電話嚟查詢
然後，仲會問 "乜唔係會另有公司份報稅表寄比我嚟報稅咩？一直都無收過喎 🤔"
重點！重點！重點！無限公司 (獨資經營)，係喺個別人士報稅 - 第5部份 - 作出申報，係唔會有另一份公司利得稅報稅表收到，申請完 BR 有經營，但接落嚟果一年收到個稅表，但無填第5部份就會出現漏報稅情況，想了解多少少 【有片睇】➡ 無限公司如何報稅
TOP 3 - 未有申請公司銀行戶口
簡單而言就係用咗個人戶口做生意，然後比銀行凍結+關閉戶口，而唔知可以點算個情況，詳情有需要就再睇 CatcherBiz 另外呢一個 Blog Post ➡ 咁我用個人戶口，商業用途得唔得
TOP 4 - 忘記 取消商業登記
由於稅局個要求係 結業後1個月內 遞交 結業通知，所以，遲咗、漏咗、唔得咗 係非常易出現的，只要是不要太遲，問題一般不太，都係罰款了事，有需要就 Click 入稅局條 Link 了解一下
https://www.ird.gov.hk/chi/tax/bre_cbr.htm
TOP 5 - 未有申請牌照
網店、E-commerce 係近年大熱開公司選擇，並且大多數都係用無限公司，自已申請 BR，之後就以為大功告成，可以開始搵錢，但往往就喺你生意開始好嘅時候出事
❌ 有人提出告發 (滿有正義感的客戶，同行競爭對手，不同顏色立場的有心人)
❌ 真係 Random Check 有關部門留意到
❌ 有事發生 (或者 意外)，比人上網 "公審"，件事發酵之後再比人起底發現原來無牌經營
例子 - 蛋糕、散水餅、減肥藥 (或任何藥品)、活動搞手 (踩界旅行社)、Wine Tasting + Party Room (酒牌)、進口凍肉 (食材)、按摩 (美容院)、金錢服務 (找換代付)、代購 (冒牌、受監管物品)、維修 / 裝修 / 工程 (小型工程牌) 。。。太多講唔晒 😥 最終錢就未必賺到好多， 反而相關法律責任孭晒上身 (因為唔係有限公司 - 無有限責任保障)，都真係可以好麻煩。
以上，最緊要嘅 10 問 10 答就開心 Share 咗比你啦，依家輪到你啦 😊。 如果唔想煩，都怕自己申請 BR 會有嘢漏做，記得嚟搵我哋傾下 WhatsApp (91 663 993) 或者喺下面留 Comment，Facebook PM 同 email 去 catcherbiz@outlook.com 都可以。
想睇返 開無限公司 申請BR 搵我嚟搞 同 自己申請嘅詳情，為咗方便你，放返條 Link 喺結尾 【香港創業】開無限公司 申請BR 流程 全攻略。