【香港創業】香港銀行|公司開戶|10問10答 Q&A
Updated: Apr 11
香港銀行，公司開戶難就已經唔係咩奇聞，有乜公司開戶銀行推薦易開啲❓ 無限公司公司戶口，係咪一定開唔到❓ 網上開公司戶口係咪簡單啲❓ 開公司戶口文件清單❓ 全部，你都可以喺呢一個 10問10答 Q&A Blog 入面搵得到答案，一個真正 香港銀行公司開戶 懶人包❗
Blog Post 目錄
內容太豐富，想睇片比自己一個好快一個簡介懶人包❓ 無問題💪🏻 6分鐘講你知 | 開公司銀行戶口好困難？睇片話你知點解同點算❗ 送你 2個自救方法❗ 仲有，記得 Bookmark 呢個咁有嘅 Blog Post，幫自己間新公司盡早銀行開戶成功，撐您 🙌🏻
++++++++++++++++++++++++++++++++++++++++++++++++++++++
(我係 分隔線)
++++++++++++++++++++++++++++++++++++++++++++++++++++++
Q1. 銀行開戶要求大概有啲乜，要咩開公司戶口文件？
先上圖，呢個係 金管局 (HKMA) 要求公司銀行開戶所需資料
所以，你可以話，各大銀行 最基本 要跟足金管局呢個規定，要求是
以上每一個點 (● & -) 都要有 "資料" 和 "文件" (齋吹水、自己口講口賠 唔計)
除咗 AML (打擊洗錢及恐怖分子資金籌集條例)，仲有 FATCA (海外帳戶稅收合規法案) 以及 AEOI (自動交換財務帳戶資料) 規定同要求需要做 "風險評估"，而風險評估都係要 "資料" 和 "文件"； 因為唔係見你個 Banker 去做，而係由 銀行 Compliance (合規部門) 去處理
由於都真係幾複雜，於是，而為咗幫申請人準備，基本上各大銀行都有一個公司銀行開戶文件清單； 以下就為您送上主流客戶會揀選嘅 六(6) 間開戶銀行個公司銀行開戶文件清單
(任何時候 發現 啲 Link 唔 Work，都麻煩你 WhatsApp +852 91 663 993 講聲我哋知 update 返 🙏🏻，感謝您)
歸納而言，初創 公司開戶 就有呢 九(9) 大要求 (註：- 要 "證實")
(Source:- 由公司 YouTube【香港創業】 香港公司開戶 - 銀行帳戶 開戶難 抽取出嚟
https://www.youtube.com/watch?v=ylffUAwm6hE&t=1424s)
假如剛剛新開公司， 公司開戶銀行文件上未有文件清單入面個文件，實際上會發生咩事❓
以下是真實向 CatcherBiz 查詢的 WhatsApp 截圖情況 😥
由於初創公司未必即時有齊文件清單入面嘅文件，所以，另一個主流做法，就是搵 Agent 或者 秘書公司可以協助公司銀行開戶服務。 當然，價錢、服務內容、成效係絕對可以 "差天共地"，下面 Q5 會再講。
Q2. 無限公司公司戶口，係咪一定開唔到？
開到 ❗❗ 有圖有真相
當然空穴來風未必無因，背後原因好大機會係因為用得無限公司嘅初創朋友較大機會係小本創業，即係
未有公司辦公室租約 (在家工作/租地址服務)
網店 / 網上生意為主 (非實體經營)
東主背景同業務無關連 (做 IT，表示公司係 IG 網店賣零食心
加上未必會比錢請專業人士協助公司開戶，靠自己準備開戶文件，於是，大機會文件不足，再加上最近 洗黑錢 疑慮之下，銀行自然較易拒絕相關申請 (2022年5月 爆咗單 港幣6億 【HKD600,000,000.00】 洗黑錢 - 公司FB有 Highlights)，令無限公司公司戶口申請，整體上難上加難。
同一個道理，有限公司係咪就會容易啲❓ 唔會特別容易咗 (因為要嚴厲打擊洗黑錢😣)~ (迷之聲：- 咁講其實倒緊公司米🤫，少咗人開公司)。
重點 ❗❗ 批定唔批，要睇文件證明是否準備充足。 無論係 有限公司 還是 無限公司。
Q3. 咁我用個人戶口，商業用途得唔得？
講到呢一步，相信都頗多創業朋友開始覺得
『好煩喎 😓 ~ 咁我用住自己個人戶口先得唔得呀❓』1
我都希望可以，不過，容許我借用 HSBC 2021 以下呢一篇文章 解釋一下先 (Highlight 咗比你)
(Source:- https://www.businessgo.hsbc.com/zh-Hant/article/e-shop_payment_bank_account)
成篇文章個 重點❗❗係乜？拍埋片講你知 🤜🏻🤛🏻，
因為 唔想你創業辛辛苦苦賺返嚟血🩸汗錢一日之間無曬~
銀行有權 凍結🥶 你個人銀行戶口資產，然後關閉帳戶，而不需事先徵求你嘅同意，包括你個人正常收入 (如 出糧、儲蓄)
想再了解多d？有問題想問？
隨時免費查詢：https://wa.me/85291633431
️ 留低資料等我地搵你又得！ ➡️ Email: catcherbiz@outlook.com
咁嚴格嘅規定，當然係因為 金管局 背後所訂立的規定及標準，而呢一點，2021年11月19日，就有 四(4) 間銀行示範比你睇，唔跟規定做，可以有幾大鑊 (😅 唔係你大鑊，係間銀行大鑊，同埋比人祭旗嘅銀行職員 以及 背後一大批戶口無原因被關受罪 😫)
(Source:- https://www.hkma.gov.hk/chi/news-and-media/press-releases/2021/11/20211119-5)
所以，現時只要比銀行發現用你個人戶口作商業用途，例如
有異常 (Abnormal) 金額 或 次數 (系統自動 Detect)
有公司 (陌生戶口) 為 收款方 / 付款方 經常一個月內多次出現 (即唔係出糧)
有人提出舉報 (不滿意的客戶，政治對立人士)
競爭對手做嘢 (開始多生意，比對手發現時)
然後，仲要係忽然某一日，你瞓醒起身，就發現個人戶口已經用唔到~ 比銀行凍結🥶咗。
所以，一句到尾，建議就唔好用個人戶口，長時間，用嚟經營公司業務啦，最好就喺公司成立後，一準備好業務資料同文件，就 "盡快" 申請一個公司銀行戶口。
Q4. 咁我開多個第二間銀行嘅個人戶口就唔怕啦，咁又得唔得呢？
Okay 👌🏻，永遠有啲 "聰明人"🤦🏻♂️，係都要諗條捷徑，認為呢個就係 Solution 🥳🥳🥳 (討論區，講嘢唔洗負責任嘅時候就特別多呢類 踩界建議 - 因為最終比人凍結🥶銀行果個唔係佢 😫)
好快諗一諗以下呢個問題
你覺得銀行咁大集團，會唔會唔知道呢個漏洞 ❓
如果知，咁會唔會背後可能有一個仲可怕嘅結局等緊你？ 分享一個 "故事" 比你聽一聽
🟢 A先生好叻，短短兩(2)年左右，做網購已經做到好出色，眨下眼👀，"個人戶口" 入面個 Balance，已然有 - HKD52X,XXX (五十幾萬)
🟡 忽然，有一日，個 A/C 出問題，用唔到，無問題，一早預咗 😎，有後備 A/C， Save 😜
🟠 唔洗好耐，收到銀行信 "Due to administrative reason ..... account closed" 信函附有一張由銀行出嘅支票，睇銀碼，正正係戶口入面個 Balance - HKD52X,XXX (五十幾萬)，抬頭係 "A先生" 個名
🔴 同銀行傾咗好耐都係開唔返，咁公司入貨都要錢💰周轉，A先生一時心急，就咁將支票經入票機入咗落自己個後備 A/C 💸💸💸
問：- 你估唔估到之後發生咩事呢 ❓😏
YES，聰明嘅你 😎 當然估到啦~ 無錯，個 後備 A/C 隨即都被關閉，然後，A先生再收多一張支票，再加上之前入嘅果張退票 😨，一隻手揸住兩張支票，同全副身家~
請問，比你係 A先生，你會點做 ❓
張 💲五十幾萬 支票，入定唔入 ❓
每日都有生意返緊，但係已經再無後備戶口，公司戶口申請都要時間，又唔一定申請到，咁啲生意，仲做定唔做 ❓
呢啲先似係銀行咁大集團個設計同安排吖嘛，幾有系統 同 規矩，都唔洗人手 Check，系統自動偵測到戶口有異常 (Abnormal) 金額，即時跟進。
Q5. 『免費』 公司開戶轉介服務 有無用？
⛔ 申請公司銀行戶口，又麻煩，時間又長 😥
⛔ 要求商業證明同商業計劃 (包括：銷售合同、發票、僱傭協議、已確認的訂單、保險單等) 初創公司乜都未有喎 😣
⛔ 商業地址證明，個 Banker 問我攞租約 (Tenancy Agreement)，我暫時未有租 Office ，在家經營，咁點算？😫
好多時，唔係唔想申請公司戶口，而係申請要求太高，初創公司好難達到，於是，另一個都經常被問到嘅問題，就係：- "我見網上有 『免費』 公司開戶轉介服務，其實到底有無用？"
如果有順序由第一個問題開始睇，相信其實都好明顯啦~
呢個世界，『免費』，往往先係最貴，『免費』 資訊我信，Google 大把，不過 『免費』 服務就 🤔❓
可以先諗一諗以下 四(4) 個問題
既然係 『免費』 服務 ，假如轉介之後申請銀行戶口被拒絕，間 Agent 會唔會負責呢？ 但係間公司已經開咗，開公司嘅錢💰，間 Agent 就已經收咗啦~
『免費』 轉介，你估，多唔多人 "被轉介"？ 如果都多，咁 Banker 一個人只得一對手 就算你個 Case 完全無問題，你估要幾耐先開得成？ 2-3個月？定 3-4個月？還是 Banker 因為做唔切，分分鐘本來開得成變開唔成？
明明各大銀行有晒 《開戶文件清單》，寫到明要提供文件，依家 "轉介" 就開得到？你覺得有無可能？
仲有，假如咁啱其中有隻 Case 間公司都係用 『免費』 轉介，又真係用嚟 "洗黑錢"，你會唔會被牽連？批出開戶申請位 Banker 個後果會點？ 咁嘅情況，你覺得現時 Banker 仲會唔會因為你係 "被轉介" 就唔洗比資料 或者 批得手鬆啲？
還是，『免費』 公司開戶轉介服務 ，最終其實同你自己 Walk-in 入銀行，自己申請差不多？
如果唔係，點解其他 Agent 協助公司銀行開戶服務，會收得咁貴？
市面上協助銀行開戶服務林林總總，收得貴嘅，當然後會有佢貴嘅原因，例如
✅ 董事本人不在香港 ✅ 公司係經營高風險 (珠寶、鑽石) 行業
✅ 個案情況較複雜 (個人/公司戶口曾被關閉 或者 公司曾被銀行拒絕開戶)
理所當然，呢類個案，要開得成公司銀行戶口所要付出嘅時間同心力就特別多，收費價錢自然會成正比有所調整； 再直接啲
『服務』 嚟講，一分錢，一分貨啦 ❗~
而無論咩服務都好，想要解決問題，搵專業人士處理，自然會有佢嘅價值所在，如果唔係，啲 Agent 一早已經被淘汰，全部做唔住啦。值錢之處，就係往往可以公司開戶成功一 Take 過，一成立完公司就可以跟進申請公司銀行戶口 = 花錢由專人跟進，買時間加快申請速度，盡快有公司銀行戶口可以用。
Q6. 邊間 公司開戶 最平、最快、最易開？ 邊間銀行開公司戶口好？
呢個問題你真係要先成為 CatcherBiz 嘅客戶先答得到你，因為各人個答案會有不同，每段時期亦會有不同。容許我花少少篇幅為您解釋一下：-
先處理 【快同平】 呢個問題
【快】 - 同紅隧西隧一樣，果頭聽交通消息話大致暢順，揸到去就已經塞死晒，無他，因為唔只你一架車聽到消息湧過去。 公司銀行開戶都一樣，2021年就 DBS 同 大新，今年 4月開始 (因為有疫情爆發 - 要暫停分行服務)，於是 恒生 個 "全網上" 遙距開戶就突圍而出，呢一刻 (2022年8月) 又開始感覺到批嘅時間慢咗啦~
【平】 - 就基本上同信用卡 (Credit Card) 迎新優惠一樣😅，一期期，眨吓眼就唔同晒~ 說到底，銀行都係商業機構，要賺錢，銀行職員，分行舖租樣樣都要錢，現時開公司戶口，因為要滿足金管局個要求，成本都高咗好幾倍，羊毛出在羊身上，開戶費收得平，通常另一邊就會有其他項目平衡返銀行個收入~ 例如
(As at 2022年8月)
大新銀行，豁免 ($0) 低額結存服務月費，不過 開戶費用 就要 $1,200-
(Source:- www.dahsing.com/html/tc/business_banking/business_banking_service_charges.html)
不過，當計埋其他費用，比起一年 $2,200 月費，其實差別又似乎不是那麼大 ~
恒生銀行就 豁免首24個月月費之優惠 (之後低於$50k就 $200/月)，開戶費用減半 = $600-
(Source:- www.hangseng.com/zh-hk/business/your-business-essentials/account-biz-virtual-account/)
DBS 就最清晰，講到明現時優惠至 2022年9月30日
(Source:- https://www.dbs.com.hk/sme-zh/day-to-day/accounts/business-account)
即係其實間間銀行，本身個價錢都差無幾 (開戶費$1,200，低結存 $200/月 = $2,400/年)，每期間間銀行個優惠都有少少不同，想要 公司開戶 最平，就要開戶之前做定功課，Check 清楚先 😲 搵一間平得嚟，銀行服務上都啱自己 "用" 嘅銀行會最好~ 然後，預定心理準備個優惠隨時都會無咗，又或者改門檻開始收返你錢，所以對於想搵公司開戶最平嘅朋友，比返一個最真實嘅現況例子應該會容易明白一啲 😊
(Source:- https://www.business.hsbc.com.hk/zh-hk/regulations/commercial-tariffs as at 23-Sep-2022)
【最易開】 - 呢方面 就更加要留意同打醒十二分精神，因為 "易開" 即係大機會銀行無做足 『金管局』 個 KYC (了解你的客戶) 要求。 Q3. 已經有提過，2021 年11 月左右，金管局已經掃咗 四(4) 銀行，當然，背後一大堆 "好易開" 嘅銀行帳戶亦一併被關，搞到好麻煩啦~ 而 2022年 5月，又爆💥一單港幣6億洗黑錢，於是乎各大銀行自然要確保內部同事有做足 "盡職審查" 功夫，咁你話又點會有真心最易開嘅銀行呢？想知到更多詳細資料，可以參考一下公司早前呢個 Post (Click 張圖就去到公司 FB)
所以，真正要揀一間 最易開 公司戶口 嘅銀行，其實係要按個別情況去揀，例如
✅ 小李本身做緊 Interior Design，月入 $6x,xxx，喺 Standard Chartered 有個出糧戶口，最近，跳出嚟搞自己嘅 Design House，成立一間有限公司，咁公司開戶，簡單比咗啲自己喺前公司嘅 Project 出嚟做 Supporting 同文件，Standard Chartered 唔洗 兩(2) 星期 就批咗；
✅ 大陳大半年前開始失業，有一筆遣散費，最近膽粗粗，申請咗張 BR (無限公司)，喺自已屋村商場 "領X" 租舖搞補習班，雖然唔係本行，不過按銀行職員指示，比咗一堆文件，喺獅子銀行都順利開得成銀行戶口，銀行戶口申請過程，前後差不多要 兩(2)個月；
✅ 阿欣搞咗間網店 (用有限公司 - 諗住開戶容易啲)，乜都賣，主打日、韓嘢啦~ (口罩、零食、化妝品 。。。) 起初走去 A銀行 申請公司戶口被拒，自己覺得係因為無業務資料 (銀行無講、亦唔會講)，於是暫時用住個人戶口做生意。一年後，再去 A銀行 申請，仍然被拒，思前想後，走去自己個人戶口果間 B銀行申請 (以為一定得)，點知不但申請唔成功，最後連個人戶口都被關閉 。。。
你會見到 三(3) 個 Cases，三(3) 個不同情況，各有不同業務，所以，點解有啲初創開得成，有啲有業務都開唔成呢？只可以講，公司銀行開戶申請，本身就係 Case-by-case 咁去處理，點先最易開？做好文件準備就最易開 ❗
CatcherBiz 事先為您拍咗一條片，講解返初創企業如何成功開立銀行戶口，片長 (51:45mins) 有興趣，Click 入條 傳送門🚪就有 (https://www.youtube.com/watch?v=ylffUAwm6hE&t=1424s)
香港人 幫返 香港人 💪🏻，要盡快準備好公司銀行戶口申請文件。
為你送上 『香港20間零售銀行有關開立個人和公司戶口的資料』 ❗
公司銀行開戶推薦 方面，再體貼啲，Shortlist 咗其中比較多客問嘅選擇，方便你直接 Click 入去
(任何時候 發現 啲 Link 唔 Work，都麻煩你 WhatsApp +852 91 663 993 講聲我哋知 update 返 🙏🏻，感謝您)
時間⏰即係金錢💲💲💰，唔想開咗公司之後遲遲都未有公司銀行戶口做生意，越遲開分分鐘仲難開，搵專業 Agent 協助您間初創公司銀行開戶，應該會係終極【最易開】嘅方法😅~
Q7. 公司開戶，是否必須要我自己親身去銀行辦理開戶手續？ 網上申請 公司戶口是否 簡單啲？
正確，一般銀行都要親身去銀行進行開戶申請，除咗
✅ 虛擬銀行 (Virtual Bank) 開戶 (下面 Q8 會介紹)，以及
✅ (樓上提及) 三(3) 間 有 "全網上" 遙距開戶服務嘅銀行
咁無論親身去，還是 網上申請 公司戶口，流程基本上都大同小異，一般個案就大概一個月左右，始終個流程入面每一個步驟都有嘢做，至於賣廣告話 "最快" 3日批出果啲，真係聽吓就算~ 特別係初創公司就更加唔洗諗。
借用其中一個客戶成功申請個流程圖比你參考返，CatcherBiz 協助開戶，呢個 Case 兩(2)個星期左右 (無限公司) 開得成啦 🙌🏻🙌🏻🙌🏻
【註：- 6月30申請 = Application No. 220630，7月12 批出 = Application Result】
但係，相對而言，如果本身對開戶要求未係好清晰，自己個 Case 要比啲咩 業務證明 亦未係好有信心時，網上開公司銀行戶口反而大機會仲慢咗。 因為到第三(3)關可能已經卡住，表示文件唔齊，而你只會收到呢一個冷冰冰嘅 Template 電郵 (好似下面呢幅圖咁 - 客戶選擇自行 網上申請 公司戶口，最終 Forward 呢個 Email 比我哋，話想搵返我哋幫手 😅)。
同親身去銀行辦理開戶手續個差異，就係你連個 Banker 嘅聯絡電話都無，只可以 Email 溝通，想簡單問兩句都係要電話往來，而往往一封簡單 Email，都要等 1-2 個工作天先會收到回覆。 並且，第五(5)關個 Review 工作係由另一位銀行職員 (Compliance) 合規部門處理，係直線推進工作。假如到呢個階段文件唔 Okay，個申請係會直接被拒絕 (Reject)，而你亦只可以 重新 遞交另一個新申請，所以，總括而言，網上申請 公司銀行戶口，現時對初創公司而言，申請過程未必會快咗 同 簡單咗。
當然，初創公司就算係親身去銀行辦理銀行開戶，Banker 都肯定唔會幫你手準備清單上嘅文件，因為佢一教你點做，就有機會係 Tipping Off (通風報信) 【防洗黑錢術語】，比銀行發現，分分鐘位 Banker 連份工都無埋。 但最起碼，你可以問 Banker 攞張咭片仔，有乜需要都可以打電話搵到人問兩句。
而親身去銀行辦理開戶手續就點都會有優點，最起碼就係你可以提供 - 文件正本，而唔需要另外比錢去出 "簽署為真實的副本" (CTC/核證)，又或者可以唔洗另外比多一筆 "查冊費" (註：- 只有部份銀行適用，以及如果係網上註冊有限公司，係唔會有紙版正本 公司成立證書)
最後，送上 親身去銀行 辦理開戶手續 VS 網上申請 公司戶口一個 懶人包 Highlight
兩個申請方式，審批要求是一致的，網上申請 公司戶口 並不有會簡單啲嘅表達 (都係遵從金管局規定標準)
如果銀行開戶文件清單所要求之文件準備妥當，網上申請有機會快一點 (因為慳咗約期見 Banker 個時間安排)
但反過嚟講，準備上唔太清晰，親身開戶會有優勢，起碼可有位銀行職員可以問兩句
Q8. 網上開公司戶口 【虛擬銀行 (Virtual Bank)】會唔會簡單啲？
好似對上一個問題總結一樣，由於只要係 "銀行" 就要 遵從 金管局個規定同標準，所以，實際上開戶要求，以及公司銀行開戶文件清單 (例如一樣要求提供 "商業證明" Business Proff)，同傳統銀行要求上無任何分別。
(Source:- 《商業開戶文件檢查表》 https://bank.za.group/tabledown)
並且，由於虛擬銀行並無實體分行，於是，公司文件往往服務上未能提供由銀行職員核證正本的選項可供選擇，即係需要由申請人另外搵 "認證人" / "核證人" 出一套 "認證/核證副本 (Certified True Copy)，當然，套認證副本係要另外比錢辦理啦~
另一方面，都係聽客戶嘅評價 (戴定頭盔先👷🏻♂️)，就係暫時虛擬銀行個開戶條件，似乎有 "強烈暗示" 要同貸款業務掛鉤先有得傾，當然，CatcherBiz 認為所有持牌銀行個審批準則應該係跟金管局指引，虛擬銀行亦不例外； 相信只係個別銀行職員電話溝通時夾雜推廣公司中小企借貸產品所產生嘅一個誤會。
(Source:- https://www.paob.com.hk/tc/sme-banking-services.html)
而從另一個角度去諗，假如初創公司，業務起步階段會有借貸周轉需要，而對銀行服務上要求不高 (如無實體分行，無入票機，ATM 之類都 Okay 👌🏻)，咁力推借貸產品嘅虛擬銀行 (Virtual Bank) 係一個可以考慮嘅公司銀行開戶選擇。
Q9. 銀行開戶攻略：- 公司開戶 【洗黑錢】 你要知原理？
講嚟講去，成日講：- 因為 《防洗黑錢法規》 所以銀行戶口好難開，之但係
關我乜(X)事？😡 我啲小本正經生意，同洗黑錢大纜都扯唔埋， 點解被懲罰嘅係我，搞到我開唔到公司銀行戶口 😭😭😭
日常同客傾開，都有頗多類似嘅表達，所以，小編都好大膽喺呢到同您講，對於正經做生意嘅朋友嚟講
係呀~ 你係無辜㗎，你係被連累㗎 我哋都一樣，生意難做咗好多 😭😭😭
簡單而言，就係因為有班犯罪分子，用公司銀行戶口去洗黑錢，而且情況越嚟越嚴重，就好似2022年5月又爆💥一單港幣6億洗黑錢咁
(Source:- www.facebook.com/SetupCompanyInHongKong/posts/5267348760026250)
於是， 寧枉毋縱，處理上就未必係普通法 "有充分證據先定罪" 個情況 (迷之聲音：- 至於點解~ 就自己諗吓啦 - 總之，條法例就2018年3月再修訂之後就再麻煩咗，而洗黑錢情況就照出現)，於是，近呢幾年，申請公司銀行戶口，就似乎係要申請人比好多證據去證明自己無罪，可想而知個門檻要求有幾高，而又似乎，爆出嚟嘅洗黑錢新聞，一單爆💥過一單 🤔，令開戶門檻，越升越高😭。
(Source:- https://www.jfiu.gov.hk/tc/legislation.html)
事實上，無論係銀行還是我哋公司秘書從業員，其實都唔希望咁麻煩，因為 ~
多咗好多嘢做㗎 😥
純粹係上面壓落嚟，唔做唔得，因為出喺事上嚟，無人孭得起 (高額罰款、開名執法記錄)，之後 3-5年 都會被政府機關特別關注~
(Source:- https://www.tcsp.cr.gov.hk/tcspls/portal/disc - 自己 Check 用緊嘅秘書公司有無牌，有無做足 KYC)
所以，日後當你面對銀行職員以及公司秘書從業員，如果可以 🙏🏻，希望你可以記起呢段內容，理解返佢問你要咁多資料、文件，咁麻煩，其實唔係佢專登刁難您，實況係，佢都係體制入面無得揀嘅其中一名 "香港人" 🙋🏻♀️🙋🏻♂️，同你一樣。
而對咩係洗黑錢有興趣嘅朋友，可以睇吓呢條片 《好萊塢終於沒出錯！金融犯罪防制教授告訴你洗錢是怎麼一回事》 ，小編覺得講得唔錯，簡單易明 🥰。
Q10. 係咪一定要銀行開戶服務，公司銀行開戶 自己開又得唔得呢？
當然可以自己開公司銀行開戶~
實際上都有客係選擇自己辦理公司銀行開戶，其且最終最戶成功嘅情況~ 咁初創公司而言，一般要幾耐先開到公司銀行開戶呢？ 按我哋觀察所見，絕大部份初創公司客戶要大約開公司之後 九(9) 個月左右 先開到公司戶口，甚或一直未能開戶嘅情況，主要原因有以下 兩(2) 大點
(01) - 初創起步老闆一個人得一對手，搵生意 vs 銀行開戶，當然係搵生意優先，
搞 Website、IG、FB、入貨、定價策略、廣告宣傳，樣樣都要花大量時間處理 由於 公司銀行開戶 同樣要花時間準備 文件證明、業務計劃書 (Business Plan)、公司預算 (Budgetting) 。。。 等等； 於是，到時間鬆動少少，可能已經係開公司半年之後，先開始處理 公司銀行開戶 申請，到申請完成，就係 九(9) 個月左右
(02) - 未有足夠 "業務證明"
而另一類客戶，就係唔太相信公司銀行真係咁難開。唔理 CatcherBiz 建議同勸喻，情況就往往好似以下圖中個表達 -
所以，最簡單係上返 Q1 搵返開戶銀行個公司銀行開戶文件清單，問自己有無信心自己可以準備好晒銀行開戶所需文件，可以嘅，當然，自己開係完全無問題 💪🏻。
然則，如果衡量過所花嘅時間成本，又或者根本連點樣準備文件都未有明確方向，與其花 九(9) 個月 都未必開得成公司戶口，咁不如花啲錢搵專人協助開戶~
仲未計有一部份客戶，基本上就較難開戶嘅，就算花足 九(9) 個月 都未必開得到，就真心推薦要考慮搵 Agent 協助開戶啦~ 例如
仲有好多情況就未能夠一一寫晒出嚟啦~ 考慮過，有信心開得到就自己申請，唔夠信心嘅，總之記住，只要你成為 CatcherBiz 嘅客戶，無論幾時，幾點，搵我哋傾一傾，幫得到手嘅，都會盡力幫你手 💪🏻。
重點嚟啦~ 咁如果搵 CatcherBiz 協助開戶，一般要幾耐時間呢？
1-2 星期 銀行開戶文件準備
2-3 星期 銀行申請過程 (視乎個別銀行)
1.5 星期 申請成功，收齊銀行咭、密碼信之類
呢個係搵 CatcherBiz 協助開戶個所需時間 🙇🏻♂️🙇🏻♂️🙇🏻♂️，如果客戶自己開，再預鬆啲會好啲 🙏🏻
嚟到最後，都容許小編幫公司 【賣個廣告】
到底，搵 CatcherBiz 協助開戶收費要幾錢呢？
只要 Click一Click 以下呢條 Link 就會一清二楚 😊
睇到呢一到，首先，多謝您睇晒成個 Blog 衷心感激 🙇🏻♂️🙇🏻♂️🙇🏻♂️
無論最終有無機會合作，都希望呢個 Blog 嘅內容能夠成為您創業路上嘅一份祝福。
覺得有用嘅，麻煩你留言鼓勵一下小編，又或者想了解更多其他內容，歡迎你，留言講比我哋知 🤩 盡力抽辦公以外時間，提供 【免費】 【有用】 資訊 (起碼寫啲 "講人話" 內容，唔係睇咗一大堆專有名詞，最後希望解決嘅問題，一啲都幫唔到手😥)，好老實講，都係因為 香港人 想盡力幫返 香港人，互相幫幫手 🤝🏻🤝🏻🤝🏻，如果唔係，小編都唔知，仲有邊位會真心幫吓我哋 。。。。
最後嘅最後，公司仲要拍埋片教你點樣申請銀行開戶，能力之內可以做到嘅，都送上比你 🥰，創業唔容易，不過，應該難唔到你嘅 💪🏻 加油 ❗ 撐您 ❗
有興趣了解多啲服務詳情，🌟Click 入圖會去 Facebook，有基本服務內容介紹，為你準備的開戶文件大約安排🌟 ，同時歡迎你隨時 WhatsApp 91663993 搵同事傾一傾 😊。
又或者想睇埋條片，可以直接 Click 入下面條片就可以，主要講解返初創企業如何成功開立銀行戶口 (片長 51:45mins)