計劃緊創業，開有限公司嘅朋友要留意， 小心你嘅個人資料會比犯罪集團盜用 😱😱😱 唔想睇咁多字嘅，上面條片，一 Click 就有得睇 😉 (BTW，影片內容同 Blog 內容有些少差別)
2021年8月6日(星期五)，警方召開案情簡報，過程喺 YouTube 直播
案情簡單用一句話表達，就係3個犯罪集團，透過最少38間空殼公司詐騙政府 「百分百擔保特惠貸款」高達1.4億款項，共拘捕56人，另外有30間可疑公司，不排除有更多人被捕。而最重要果點係其中有 4名公司秘書服務公司職員被補。
相關報導懶人包，可以 Click 入去呢兩條 Link
百分百擔保特惠貸款騙案涉銀行前線職員強積金中介人等https://news.rthk.hk/rthk/ch/component/k2/1604608-20210806.htm
【on.cc東網】涉詐騙1.4億元「百分百擔保特惠貸款」 56人被捕https://www.youtube.com/watch?v=nvvwDdrTb3U
認真，詐騙 「百分百擔保特惠貸款」，呢一單唔係第一次，6月底已經發生過，由廉署破案，詳情可以 Click 入下面條 Link 睇
廉署指有中介犯罪集團聲稱可理順百分百擔保貸款程序https://news.rthk.hk/rthk/ch/component/k2/1597997-20210628.htm
但係，有公司秘書服務公司職員被補，今次係第一次；並且咁詳細解釋秘書公司點樣參與詐騙過程，用咩宣傳物品去作為誘餌吸引人去提供個人資料成立有限公司同申請「百分百擔保特惠貸款」，呢一點係同以往個案情最唔同嘅地方 (Source:- 上面 Link RTHK 報導)。
所以，假如你係計劃緊創業，開有限公司嘅朋友，未必係想申請「百分百擔保特惠貸款」，但咁啱遇上一間同詐騙集團有關連嘅公司秘書服務公司，咁你嘅個人資料，仲安唔安全呢？因為開有限公司，最起碼都要比以下資料
身份證
住址證明
個人資金來源證明 (糧單、銀行帳單、稅單之類)
除咗呢單「百分百擔保特惠貸款」詐騙，會唔會仲有其他問題未被發現？賣個人資料比傳銷公司，盜用你嘅個人資料去做私人貸款，申請 Credit Card，開假 Facebook AC 做網上情緣騙案？比起價錢平，不成功、不收費，會唔會揀一間信得過、靠得住嘅公司秘書服務公司似乎更加重要？
咁點揀一間信得過、靠得住而又合法嘅 公司秘書服務公司呢？🤔 呢到比 3個 Tips 大家參考一下
查吓間秘書公司有無牌先啦~ https://www.tcsp.cr.gov.hk/tcspls/search/public-search 現時所有公司秘書公司，做生意，收得錢嘅都要攞返個 TCSP 牌照 上面條 Link 就係公司註冊處比公眾查詢一間公司是否持牌秘書公司嘅平台 保障你自己，點都 Check 一 Check 穩陣啲 P.S. 咁呢個世界，有牌都唔一定穩陣 因為，公司註冊處都不斷有採取紀律行動嘅消息 😅 https://www.tcsp.cr.gov.hk/tcspls/portal/disc 咁點算？都有個方法嘅 ~ 留意一下，個 Agent 會唔會有份 Agreement (協議) 比你簽 而協議入面會唔會有 Non-Disclosure / Data Protection Clause (條款) 喺入面，好似下面 CatcherBiz 份協議抽出嚟個截圖咁，就會寫到明唔可以透露你/你間公司嘅資料比任何第三方，除非有相關法例要求
有無依照 《打擊洗錢及恐怖分子資金籌集條例》 同你做盡職審查？ 詐騙集團一般未必有咁專業同願意花功夫跟足現時個法例要求要做足盡職審查， 除咗要攞你嘅個人資料之外 (身份證、住址證明、個人資金來源證明) 仲要先了解清楚你個業務內容同資料，仲要了解完先可以正式收錢同你合作，做你間公司嘅公司秘書 通常要了解清楚，傾一傾電話，最快都要15-30分鐘，好大機會，詐騙集團唔會願意花咁多時間去跟進
問問題，睇吓個 Agent 答唔答到？ 如果係專業嘅公司秘書服務公司職員，應該要對公司條例，申辦公司銀行帳戶，簡單嘅稅務資料，有限公司喺香港營運嘅相關法例法規 (例如： 出牌、勞工法、工作簽證、商務合約、租約) 都會有所認識，因為客戶實際業務關聯上接觸得多，點都會有能力提供初步意見 咁假如你問問題，職員答唔出，就算間秘書公司唔係詐騙集團，係咪都應該要再考慮一下去搵一間有能力幫你創業做生意嘅 Agent 呢？
計劃緊創業，開有限公司嘅你，唔一定需要識得分別秘書公司係唔係詐騙集團，反過嚟，只要識得揀一間有料到、有能力嘅秘書公司，可能係更加簡單直接嘅方法幫緊你自己。
準備好創業起步嘅，隨時嚟搵我哋傾下 catcherbiz@outlook.com，喺下面留 Comment，Facebook PM 或者 WhatsApp (91 663 993) 我吔都可以， 最緊要係幫到你手 💪。 想先了解一下收費用服務內容？無問題吖，Click 入去呢條 Link，Blog 入面有齊價錢、服務內容，以及你會攞到嘅創業資源，幫你創業比人行快一步。
如果想再了解多些少成個案情，以下係警方案情簡報 (全片總共 24:38 比較長😅)
【 拘捕56人 • 涉嫌串謀詐騙「百分百擔保特惠貸款」 • 案情簡報 】