香港公司每年都要報稅就人人都知， 之不過，新手公司要點樣報稅 ❓ 一般公司報稅 價錢大約要幾錢💲❓ 有限公司 無限公司 報稅有咩分別 ❓ 開公司減稅方法 (扣稅慳稅攻略) 又有邊幾種 ❓ 一文睇曬香港公司報稅 | 真🔴《公司報稅教學》 入門攻略懶人包 💪🏻
Blog Post 目錄
基礎知識 - 必睇 ❗❗❗ Q1. 整個香港公司報稅流程，由會計到報稅個大約係點？ Q2. 公司報稅，利得稅申報，有限公司同無限公司稅率同稅制有何不同？
新手公司 會計|報稅|入門攻略 Q3. 一般新成立香港公司，第一次會計、報稅大約要幾錢？ Q4. 新手公司 點做可以令會計 報稅費用平啲？ Q5. 新公司，初創老闆 請人，報稅要點做？ Q6. 公司報稅時間 - 公司報稅期限？公司報稅要幾時開始準備？
老手公司 / 第N次公司報稅都可能忽略的陷阱位❗❗❗ Q7. 無跟足稅局要求，比稅局出信查稅會有幾大問題？ Q8. "會計最平$XXX"，公司報稅有咩要留意，同埋有咩陷阱？ Q9. 公司報稅，自己報稅，填稅表得唔得？填錯稅表有幾大鑊？
明益街坊，同場加映，教你合法減稅❗ Q10. 公司報稅，有咩減稅方法？有無辦法做到不用交稅？ 搵 CatcherBiz 跟進公司 會計、審計、報稅服務
溫馨提示，由於內容有啲長，最好就 "Ctrl + D" Bookmark 咗先慢慢睇 🥰
++++++++++++++++++++++++++++++++++++++++++++++++++++++
(我係 分隔線)
++++++++++++++++++++++++++++++++++++++++++++++++++++++
Q1. 整個香港公司報稅流程，由會計到報稅個大約係點？
香港公司 會計 報稅，先講有限公司第一次報稅，實務操作上最起碼分開四個部份：-
✅(1) 簿記 Book-Keeping ✅(2) 會計 Accounting ✅(3) 審計 Auditing ✅(4) 報稅 Tax Filing
時間點上，日常工作要先做好簿記 (記帳) Book-Keeping，到第二年定好財政年度 (有限公司成立日後18個月內)， 再跟以下有限公司報稅流程圖一樣，每一步跟進，直到完成為止。
至於獨資無限公司報稅時間，由於是跟 "個人稅表" 一同申報 (第5部份)，並且不用提供審計報告，所以，只會有三個部份 ✅(1) 簿記 Book-Keeping ✅(2) 會計 Accounting ✅(3) 報稅 Tax Filing (一般以 3 月 31 日為止的一年收入申報利得稅)，之不過，都有較多老闆忽略咗 簿記 同 會計 個步驟 (Q7 有詳情) ，到稅局查稅時出現好大問題
(獨資業務 - 如何填寫 BIR60 表格的第 5 部)
獨資無限公司報稅，會計 = 出具會計帳目，簿記 = 入數 (將公司所有收入同支出，入落帳簿)
(稅務局 - 保存業務紀錄要求)
所以，就算係獨資無限公司報稅，流程上其實唔會比有限公司簡單太多，純粹係因為無限公司，總入息不超過 $2百萬，提交報税表時無需夾附任何帳目和文件，就忽略咗以為唔洗做，到比稅局出信查稅時先知問題原來可以好大鑊，至於無做足稅局要求會有幾大問題，好似以下呢個 搵 CatcherBiz 幫手嘅個案咁😱😱😱， Q7 會詳細再講 ❗
Q2. 公司報稅，利得稅申報，有限公司同無限公司稅率同稅制有何不同？
一張圖睇晒公司報稅 有限公司 無限公司 報稅方式、稅率 + 申報時間 有咩分別
簡單而言，由於稅率差距其實唔太大 (8.25% - 7.5% = 0.75%) = 每 $10,000 應課稅收入差 $75 (有限公司 vs 無限公司 - 留意，並非總收入)，所以，如果以純粹以邊一邊稅率低啲嚟揀成立有限公司 / 無限公司，似乎留意返上一條 Q&A - Q10. 公司報稅，有咩減稅方法？ 個內容可能更有得益。
另一個有關 稅率 嘅重點，就係要留意返利得稅兩級稅率個威力。 因為，利得稅兩級稅率是於 2018/19課稅年度實施 (都算新)，好似以下稅局圖片例子，揀啱報稅方法是可以大大減少繳稅款項，值得各位老闆留意 ❗
(闡明「利得稅兩級稅率」的應用及計算方法)
講真，$2萬蚊，好多公司已經夠晒比會計、審計 同 報稅個費用。 當然，要做到呢一點，就唔會係一個電話📞，問一兩句就知有無減稅方法適合你，相反，要先有基礎合作關係，對你間公司業務運作同帳目往來都有一個深入了解先可以幫得到手。 所以，任何時候，覺得公司報稅服務個報價好貴，出面好多平價報稅服務，甚或自己報稅都可以，希望老闆可以留意返，一間好嘅會計 Agent ，係可以幫你有效慳稅同減稅，仲要係之後每年都繼續慳稅 ❗ 並且有咩新稅務優惠 或者 報稅安排適合你間公司，可以第一時間為你度身訂造適合你嘅稅務規劃。
Q3. 一般新成立香港公司，第一次會計、報稅大約要幾錢？
新成立香港公司第一次會計、審計 加埋 報稅，有實際經營嘅，全套服務做晒就大約 HKD12,000 - 15,000。 生意好啲嘅，就可能 HKD15,000 - 18,000 左右，呢條數點計出嚟？
(01) 簿記 Book-Keeping = 入數 = 整理公司帳簿
客戶唔想煩，每月入數對單，又或者公司規模較大，都會聘請 會計文員 / 會計助理 去處理呢類手板眼見功夫，將人工、燈油火蠟計落去，咁初創公司一年少過 100 張單/出入數，就大約 HKD1,000-2000 左右 (照市場人工計算) ，即係 1-3日 收齊客戶全年單據以及銀行月結單入齊基本數據個工作~
當然，越多數要入，手寫單據多同雜亂，又撞正報稅 Peak Season，收費自然亦會有所調整。 相反，現時好多 E-Commerce 平台，以及銀行都可以將出入數直接 Export 出嚟，初創公司自己記帳想慳返一筆，相對容易咗好多。有興趣了解多少少新手公司 點做可以令會計 報稅費用平啲？ Q4有進一步詳細。
(02) 公司會計 Accounting + 審計 Auditing
同樣，收費價錢唔係秘密，初創新成立香港公司首次會計+審計 (一年) 基本 $4,000 + $6,000 = $10,000，入埋數，又或者加上跟進報稅工作，就 HKD12,000 - HK15,000。生意好 或者 攞盡 18個月先處理 公司報稅 (1.5年)，工作量多咗，收費就自然亦會按比例有所調整。
行規嚟講，公司會計收費主要影響就會係 "交易數量" (No. of Transactions) - 左上角個顯示，而審計費用就以核數期內 "營業額" (Turnover) 作出報價。因為假如要求客戶先提供全套會計單據同記錄先可以報價，由於過程太過複雜，需時太長，往往生意就會做唔成。 而實際上，公司會計、審計貴定平，其實係關乎 工作量 (有幾多嘢做) 而定，以下係一個好例子。
公司會計方面，以兩間公司同一數量交易項目，
A 公司 - ✅單據齊 ✅ 對得上公司 Bank Statement ✅ 自已做好 Book-Keeping
B 公司 - ⛔ 單據唔齊 ⛔ 個人 Bank Statement 同 公司收入支出混埋一齊 ⛔ 另外有一堆現金出入數 ⛔ 又有一堆 ATM 攞現金記錄，話係 RMB "淘X" 入貨公司支出，同公司 Claim 返錢
請問，你覺得會唔會兩間公司，因為都係 同一交易數量，公司會計收費就因此完全一樣呢 ❓
講真，就算第一次比你搵到 Agent 蝕本價幫你做，請問下一年仲會唔會繼續蝕本幫你做會計❓
還是，用另一個處理，直接將貨就價 ❓
即係錢就點都收咗先，你單 Job 就拖住嚟做，做咗其他靚價嘅客先 (因為絕大多數公司都係稅季同一時候需要會計服務吖嘛)，再之後求其做盤數出嚟，由得你間公司盤數比 Auditor 出 Qualified Opinion (保留意見 - 睇圖)， 總之錢💲💲 就一定收咗先，之後，除非加錢，否則結果就閣下自負啦~
(迷👻之聲：- 老老實實，唔係平嘢無好，而係小心為上 🙏🏻)
另外，一般會計 Accounting + 審計 Auditing，雖然係分開嘅工作 (要由獨立核數師出具報告 (法例規定))，不過由於 審計 (審核 "會計") 工作需要不時由會計方面取得資料，一般處理都會一條龍跟進，以免相互不合作影響公司報稅工作。
(03) 報稅 Tax Filing
填報利得稅稅表，價錢大約 $800-$1,200 ，如果由 Book-Keeping、會計到審計一條龍收錢做齊晒，一般就會由 Agent 一併為客戶代辦埋公司報稅。而以下係無限公司同有限公司報稅相關報稅部份以供參考
另外，由於有限公司要申報資料較多，又 必須 連同 佐證文件 (下圖) 報稅，所以收費上一般都較無限公司為高。
(填寫利得税報税表及補充表格)
總括而言，如果你正正計劃緊創業，而創業成本都係一個重要考慮，咁公司報稅呢個成本，就要先小心預算好，因為坊間都多容易令人誤會廣告類似 "會計服務低至 $2,000 每年" "報稅優惠價HK$2,000 起"，實際上好大機會只係 "單一項目" 工作，而唔係全套一條龍服務，有興趣了解多少少，可以睇埋 Q8 會計最平XXX，有咩陷阱？
Q4. 新手公司 點做可以令會計 報稅費用平啲？
首先公司會計報稅服務平定貴，影響報價最重要個因素係所需時間多與少 (= 人工)，因為
🟢 簿記入數出帳簿 ✅ 要時間人手入
🟢 從帳簿，跟 SME-FRS Standard 做會計出財務報表 ✅ 要專業會計花時間人手出財務報表
🟢 有財務報表，搵核數師出 Audit Report 都係睇盤數有幾大 ✅ 核數師要花幾多時間去審核
簡單而言即係計報稅成本 = 會計同事份人工個時間成本，會計睇完盤數，預計越要花得多時間處理一隻 Case，比出嚟個報價，當然就會越貴。
試諗一下，絕大多數公司都係 12月底 或者 3月底 開始搵 Agent 報價，咁每位會計同事都係得一雙手，同時間有好多間公司都要覆報價，請問，假設以下兩間公司 Bank Statement 出入數 (Transactions) 都差不多，邊一間報價會覆得快啲❓ 平啲❓ 又選擇多啲❓
A 公司 - ✅單據齊 ✅ 單據對得上『公司』 Bank Statement ✅ 自已做好 Book-Keeping
B 公司 - ⛔ 單據唔齊 ⛔ 『個人』 Bank Statement 同 公司收入支出混埋一齊 ⛔ 另外有一堆現金出入數 ⛔ 又有一堆 ATM 攞現金記錄，話係 RMB "淘X" 入貨公司支出，要同公司 Claim 返錢 ⛔ 簡單而言，公司埋數，條數好難夾
所以，TOP #01 Tips 會計報稅費用要平，日常簿記入數 = Book-Keeping (稅局要求最基本果個保存業務記錄要求 + 帳簿)，最理想就係由公司自已本身做返齊 (日常處理)，好好保障自己。
因為，事實上，絕大部份收入同支出，Bank Statment 上面係唔會顯示有關詳情，亦唔會有公司 Invoice Number 喺上面，即係 必須 由公司老闆或者會計自己填寫，例如
(01) - ATM 攞現金記錄 - Bank Statement 無記認係咩用途
(02) - 支票，無論支出同收入 - Bank Statement 亦不會有資料顯示
所以，如果公司自己平日未有做 Book-Keeping ，咁到交比 Agent 入數時，其實係要逐張單 (Invoice) 去對 Bank Statement 內容，對完先可以入啱數，好自然，要花嘅時間會多咗，結果，公司會計報稅收費亦自然會貴咗。於是，你會問 🤔
講到明新手公司，又點會 識自己入數做 Book-Keeping 呢 ❓
問得好👍🏻，所以你要嘅，未必係一開始就即時買一套好複雜嘅會計系統 Software，而係一個簡單易用齊功能嘅 Book-Keeping EXCEL Template。
而上圖所提及嘅 Book-Keeping EXCEL Template，搵 CatcherBiz 成立你間公司，並且成為你間公司嘅公司秘書，就會自動送上 (價值$388)，幫你手由最起初嘅創業階段開始已經做好 Book-Keeping (簿記) 工作，做到真正 第二年要幫自己慳錢💲又慳稅 ，想了解更多，Q10 再教埋你點減稅嘅基礎知識。
假如，你未係 CatcherBiz 嘅客戶，又想要 Book-Keeping EXCEL 幫公司記帳，可以 直接 Click 呢條 Link 『CatcherBiz 新手公司 - 簿記 (Book Keeping) EXCEL Template』 就可以購買。
有問題想問，亦可以 WhatsApp 我哋 / Email catcherbiz@outlook.com 留低聯絡 email，就有專人為你服務。 當然，比起現有 CatcherBiz 客戶可以直接 【免費】 攞到晒全套 【創業禮物包】 + 有人提供專業諮詢，協助你處理入數上嘅問題，再 + 每年報稅嘅時候，預早溫馨提醒你準備 (唔會急急忙)，就始終都有差距啦🙇🏻♂️🙇🏻♂️🙇🏻♂️。
Q5. 新公司，初創老闆 請人，報稅要點做？
最直接，由你聘用首名員工 (包括你自己) 開始，就要履行僱主的税務責任，向稅局遞交 IR56E表格，然後，每年4月提交僱主申報表，再按個別僱用情況遞交不同申報表，先睇圖
(Source https://www.ird.gov.hk/chi/tax/ere_obl.htm - 僱主須履行甚麼税務責任? - 必睇❗)
與此同時，亦請留意請人報稅之外的其他僱主責任
而假如係自僱人士報稅，報稅時就要特別注意係有限定無限公司。
✅ 有限公司 - 自僱人士一人公司，由於 有限公司 同 老闆本人 係分開獨立法律地位，所以，公司有公司申報 "利得稅"，老闆本人有自己申報 "薪俸稅" = 視自己為一般員工申報就可以。
✅ 無限公司 - 自僱人士，由於 老闆(東主)出糧比自己（包括配偶）不可計算為可扣稅開支 (睇圖)，報稅時就需要先作出調整，然後先可以正確申報。 所以，無限公司並非唔可以出糧比自己，只係報稅上面有需要特別留心，以免稅局誤以為公司有心逃稅就唔好😥
然後，再有一件事要提醒嘅就係
老闆僱主申報 (56B/56M) 條數 要同公司申報 利得稅條數，夾得到
因為都好多公司會出 『現金糧』，即係請人但唔會報稅 (例如 請 Freelance，Part-Time，朋友幫手) ，但又覺得呢類一次半次，要正式簽合約，攞資料去報稅比較煩所以不如唔報稅嘅情況。 之但係，到公司報利得稅時，又自動會 Mark 呢類 『人工』 做 Salary (因為想扣稅，又覺得明明係公司開支吖)，於是，兩份(2) 報稅表一去到稅局手上，你估會點呢 😅❓
所以，唔想成為稅局每年以罰款代替起訴嘅其中一宗個案 (YES - 每年 6,500宗左右)，僱主申報 (老闆報薪俸稅) 上面，未有 HR 同事，最好搵返同一間 Agent 幫手報晒薪俸稅同利得稅會最好。
Q6. 公司報稅時間 - 公司報稅期限？公司報稅要幾時開始準備？
香港公司報稅時間標準上，最簡單個時間表就跟 “ 4月稅季”
✅ 獨資無限公司報稅時間，由於跟 『個人稅表』 一同申報 (第5部份)，一般會選擇以 3 月 31 日為止的一年申報利得稅，而稅局亦已有清晰介紹，簡單而言，截至 3月31日，(A) 公司已有利潤 + (B) 公司財政年度是 3月31日或之前，請於個人報稅表上申報。
(Source https://www.ird.gov.hk/chi/tax/ind_sp_rep.htm#a04 - 申報利得税手續（獨資業務及合夥業務 | 開業／結業）
✅ 有限公司報稅時間，因為要出具 審計報告 (Audit Report) 做佐證文件一併遞交利得稅表，報稅時間會跟公司自訂的財政年度，主流選擇，一般會揀 12月31日 或者 3月31日
(Source https://www.cr.gov.hk/tc/faq/companies-ordinance/co-account-audit.htm 有限公司 | 帳目及審計)
點揀財政年度終結日，當然各有原因，未能一一盡錄，就以揀 12月31日個原因為例子，一般老闆個主要原因係因為香港公司傳統上都喜歡新一年後，農曆之前派 Bonus 或者 做 Salary Review 加人工。 於是，睇日子倒數返，個時間表就會係 ✅12月31日財政年度完結，✅公司 1月中 做好 審計報告 (出成績表)，✅HR 跟進 2月派 Bonus，✅3月 Salary Review，✅4月1日開始出新人工 (因為 1/4 - 31/3 係薪俸稅課税年度)，加上公司新年時間一般生意無咁忙，會計埋數亦比較無咁影響公司日常運作。
重點！ 收到利得稅表，一(1)個月內要填妥及交回稅務局 (除非申請延期)，否則，可能會有罰款。
所以，公司報稅時間，最好揀一個可以輕鬆少少完成晒 ✅簿記 ✅會計 ✅審計 嘅時段去報稅，會係最理想，因為可以盡量減少 💲💲加急費 💲💲旺季加價 💲💲申請報稅延期附加費之類。
另外，有限公司首次報稅準備方面，一般就首次年檢後 (成立後12個月) 開始準備。選定 Agent以及定好財政年度(年結日 - 成立日後的18個內)，無做 Book-Keeping 嘅，叫做仲有時間可以整理，好生意無時間整理，亦較容易搵 Freelance / 請 Part-Time 人手入數。 因為如果連最基礎個 Book-Keeping Data 都未有，諗住收到報稅表先跟進，就好大機會要額外收加急費去處理先可以 (通常公價 $1,200 - 同稅局第一階段遲交罰款一樣)
新手公司 會計|報稅|入門攻略就暫時去到呢到
有興趣搵 CatcherBiz 為你跟進公司會計計報稅，歡迎 Click 以下呢條 Link ，直接 WhatsApp 我哋傾一傾 『CatcherBiz 會計做賬, 審計安排及稅務申報服務』 。
限時優惠 ❗
任何新公司 (= 仍未做第一次年檢) 轉由 CatcherBiz 成為公司秘書 (一年 $2,000 公司秘書服務)，跟進年檢，即時額外送 5頁 圖解 《新手公司每月埋數 - 須知》，幫你自己跟進每月入數，慳返日後要交比 Agent 入數 $4-5,000 (= 請 Freelance 人工) 嘅支出。
想有專人先為你提供一次 15分鐘 【免費】諮詢，亦可以於辦公時間約個時間電話傾一傾 🥰 WhatsApp 我哋 / Email catcherbiz@outlook.com
公司辦公時間
星期一至五 9️⃣⏩6️⃣
🍛🍝Lunch 1️⃣⏩2️⃣
非辦公時間，見到留言都會盡快覆🙏🏻
最後， 有關公司報稅時間，要特別留意嘅有兩(2)點
🔴 01 - 有利潤 (應課税事項) 未收到報税表都要 "主動" 通知税務局，索取報税表作出申報
🔴 02 - 無運作，未經營的業務 收到報税表都要填妥並遞交，否則，可能會有罰款
Q7. 無跟足稅局要求，比稅局出信查稅會有幾大問題？
無跟足稅局要求有幾大問題，數據永遠唔會呃人，下圖是稅局 2020-21 年報內容，其中徵收代替起訴罰款 的數據 (特別留意平均每單罰款 ❗)。 明顯，稅局一係唔告，一告就唔係簡單了事，往往已經係多年違法 (稅局可追7年)，掌握充分證據 (有齊每年稅表資料)，然後一次過將全部欠稅 + 罰款 (一般個案欠稅的 3-5倍) 提出查稅要求。 並且，請留意 "代替起訴" 呢 4隻字，即係當事人，直接放棄上庭抗辯，選擇 高額罰款。
如果你仍然未好感受到比稅局出信查稅可以有幾大鑊，麻煩你仔細睇一睇 2020 的一個逃稅個案擇要及判決 (Source https://www.ird.gov.hk/chi/ppr/archives/20042801.htm - 兩名公司董事重審後逃稅罪成被判入獄)
查稅 +上庭 = 八年 => 重判 = 即時入獄 (留案底)+乜都無晒 原因 。。。 逃稅總額 $34,826- 因為，稅局起碼可以 "追7年", 由開 File 出信查稅開始 ❗
所以，公司會計報稅，唔好怕麻煩 或者 為一時方便就無跟足稅局要求。
因為絕大多數查稅個案，係無第二個選擇 = 大多數是以罰款代替起訴，而罰款隨時將你多年努力付諸一炬。當然，明白好多人無意觸犯法例，咁就要提一提，稅局其實已經寫得好清楚佢會留意咩 Case 出信查稅
(Source:- https://www.ird.gov.hk/chi/pdf/dipn11.pdf - 《稅務條例》 釋義及執行指引 第 11 號(修訂本) 實地審核及調查)
可以見到，當核數報告有 "極度" 保留意見 (Qualified Opinion) 係 NO.1 特徵令稅局開 File 出信查稅。 點解❓ 因為唔會有 Auditor 願意隨便攞自己個牌出嚟冒險，為一間普通公司，明知有問題，都唔出保留意見 (Qualified Opinion)❓ 所以，正常審計過程係要提供完整會計記錄，亦要花時間去核數。
既然係咁🤔，又點解好多公司都好似乜都唔洗準備， 又可以年年都唔洗交稅咁呢？
係因為間 Agent 隱瞞你，背後叫 Auditor 乜都唔洗睇，直接出份 FULL Qualified 嘅 Audit Report (Q8. "會計最平$XXX"，公司報稅有咩要留意，同埋有咩陷阱？ - 有詳細講)，好似以下呢個情況咁 (P.S. 留意 Auditor 照收 $5萬😅 係 Accounting Fee 明顯比市價平)
於是，報稅時，稅局收到份咁嘅 Audit Report，你覺得會點嘢？
✅ 核數報告裏有極度保留的意見 (三大帳目 - Lack of Important Audit Evidence)
✅ 溢利水平不合理地偏低 (9位數收入但蝕錢)
✅ 業務紀錄 + Audit 所要資料 (Audit Report 表明沒有)
YES ❗ 稅局咩都唔會做 ❗
因為有 七(7)年 時間可以慢慢出信； 即時搵你，反而係比機會你整返好盤數出嚟。
相反，如果 過 5，6年之後先搵你呢 ❓ 仲有無可能搵得齊 5，6年期間全套單據帳目 ❓
所以，無跟足稅局要求，比稅局出信查稅會有幾大問題 ❓
假如你唔想將做生意辛辛苦苦賺返嚟嘅錢，變成 增加 政府財政收入來源嘅英雄的話 😅
唔該🙇🏻♂️，稅局要求有寫到明嘅嘢，麻煩做齊 😊~ 因為，雖然好多時收到稅局信查稅，情況同違例泊車差不多，"唔覺意" 同埋 "無留意"，以為人人都係咁做就無咩問題，不過，到真實要回覆信函提問時，實際上已經無辦法簡簡單單令稅局 Close File 了 (附圖)。 唔想收信，最好 Day 1 就搵一間會認真協助你準備會計報稅嘅 Agent，同埋，一定要睇下一條 Q&A。
仲有，即刻攞返公司份 Audit Report 出嚟，睇一睇有無 "重大" 項目被發出 Qualified Opinion ❗
想有專人先為你提供一次 15分鐘 【免費】諮詢，亦可以於辦公時間約個時間電話傾一傾 🥰 WhatsApp 我哋 / Email catcherbiz@outlook.com (直接 share 份 Audit Report 睇睇)
Q8. "會計最平$XXX"，公司報稅有咩要留意，同埋有咩陷阱？
公司會計報稅價錢想要性價比高係好自然嘅事，不過，公司報稅費用仲平過人工成本，明顯無可能，又分分鐘令你間公司比稅局留意，要開 File 查稅，成為你創業路上嘅計時炸彈🧨💣，唔知你有無諗過~ 到底有咩陷阱呢🤔❓
陷阱💥 #01 - "先" 收你 $2-3k (最平個價錢) = 請君入甕
假如你間公司有經營，有正常出入數，有 Bank Statement，法例規定要出 Audit Report
之但係淨係 Audit 都已經要 $6,000-8,000，為咗令你跌落陷阱😱，間 Agent 會照出張最平個價 Invoice， "先" 收你 $2-3,000。
然後，慢慢幫你 "Review" 問你攞資料，再用不同原因，話你知公司未入數，有好多單據，又有 Bank Statement 資料唔齊，要 Top Up 加錢 (迷👻之聲：- 同某啲裝修公司平價搵生意，之後樣樣都唔包個手法類似 🙏🏻)。
當然，你可以拒絕報價，不過，因為 Review 文件係一項服務，要花時間處理，所以，無得退錢啦 😅 (通常張 Invoice 背頁啲蚊型字 Terms and Conditions 有寫)
陷阱💥 #02 - 壓迫銷售 🤯
知你會猶疑，喺呢個時候，Agent 就會同你講：- 『出面報價間間都係差不多價錢，你即時 Confirm 公司比個 "Special Discount" 你吖』。 咁點好😥❓
見你意動，再加多兩錢肉緊，表現出擔心你，提你公司報稅個 Deadline 越嚟越近，遲交稅局會罰款📛，要盡快決定啦，現時稅季 Peak Season 好難再搵第二間 Agent 報價㗎啦 (雖然都係真😅)
仲考慮吖嗱😈，呢個時候，圖窮匕🔪現🩸，直接同你攤牌，講到明因為已經 "Review" 咗文件，加上提供咗專業 "Consultation" (壓迫銷售呢 part), 收你果 $2-3,000 就必定無得回水，咁你騎🐅難下，仲有咩選擇 ❓
於是，一般新手創業朋友，因為係第一次公司報稅，就往往會選擇妥協。。。
算啦🥺~ 做咗呢年先啦~
🎉🎉🎉 咁就啱晒啦，咁大舊肥🐷肉，咁易話為，一定要食啦 😍
又假如你意志緊定，拒絕屈服，同佢講 📢 唔做啦 😠😡🤬
😏😏😏 亦都可以，反正已經袋咗 $2-3k，你諗住告佢，投訴佢，要求退💲💲❓
講真，做得出，就當然有準備啦，與其浪費時間，不如留返啲時間搵生意好過啦~
唔係要助長呢類 Agent，而係根本杜絕唔到，"低價吸客" 呢個策略本身就一直有佢嘅市場 (裝修、美容、健身會籍 ...)，而主要原因係總有一批咁嘅客路存在。CatcherBiz 能夠做嘅，係比返個實況你自己考慮清楚 🙇🏻♂️🙇🏻♂️🙇🏻♂️
陷阱💥 #03 - 偷工減料🧱 長線釣魚🐟🐠🐡
當你以為自己水💧火🔥不侵，夠牙力同佢講價💲💲💲 就無問題啦 😎😎😎
而事實係，早就預計之內 😏 ，你唔好以為佢唔會比 Discount 你喎，Sorry，係基本上你要求 30-40% Discount 都會照比你，令你無聲🙊出。
咁陷阱位喺邊呢 ❓🤫 當然，間 Agent 一定唔會蝕比你，於是乎就唯有喺成本入手，即係
❌ 將貨就價 - 會計，明明入錯數都當睇唔到。 有個人支出放入公司，唔會出聲 🙊 盤數一睇明顯就有問題都唔會講 (例如 Entertainment 條數好大，Sundry Expenses / Consultancy Fee 唔合理，公司無車但有 Car Expenses ... etc.) 總之，盡可能慳時間完成會計工作
❌ 再之後，背住你同 Auditor 講可以成盤數直接 Qualify 晒 (出保留意見 Qualified Opinion)
= 基本上 Auditor 可以咩文件都唔洗睇就直接出審計報告 (Audit Report)，收費上自然可以就你出到幾多就收幾多啦 😏。 假如你未有睇過上一條 Q7. 無跟足稅局要求，比稅局出信查稅會有幾大問題？ 而你又未必留意 Audit Report 入面每一個細節，分分鐘你仲以為自己怪錯好人，原來間 Agent 真係可以 ✅又平 ✅又快 ✅ 又唔洗煩比資料，就可以輕輕鬆鬆完成晒成個報稅流程同工作。咁你下一年會唔會再搵返佢❓ 當然會啦 💯 。
重點嚟啦~
於是，情況可以一直到稅局出信查稅時 (4-5年後)，你先知原來出好大問題，到時佢仲可以另外收一大筆錢💲💲💲，話係 "幫你" 😏😏😏 向稅局解釋，補返齊稅局要求嘅文件，又因為稅局個回覆要好急好急💨💨💨 💲稅局出信解釋 💲💲詳盡業務帳目 💲💲💲加急費，一炮過💥💥💥間 Agent 收返晒返嚟 🙌🏻🙌🏻🙌🏻
你條氣唔順咩 😫😫😫， 咁請問公司盤數有問題，稅局 "罰" 邊個先❓
一定係 "老闆"、"東主"、"董事" 囉 😭😭😭 仲分分鐘會被判入獄 ❗ 好似以下案例咁😨
想搵第二間 Agent 幫手❓ 講真，除非你搵 4大 或者 Second-Tier 啲大行 ($10萬起跳)，否則，正經 Agent 都一定要將查稅年份 (4-5年 - 因為未有做好) 果盤數重新做過晒 (以 $20,000 一年計，又係 $8-10萬)，講真，見過有情況真係一鋪清袋，最終要結業賣盤先填到條數 😩😩😩
所以，會計最平XXX，唔係平嘢無好，不過，一分錢一分貨呢個道理一定要記得🙇🏻♂️。有興趣 搵 CatcherBiz 跟進公司 會計、審計、報稅服務 ⬅ Click 落去，帶你睇睇價錢參考吓先。
Q9. 公司報稅，自己報稅，填稅表得唔得？填錯稅表有幾大鑊？
先講有限公司自己填稅表得唔得。 由於報稅時需要一併遞交佐證文件 (附圖)
(Source:- https://www.ird.gov.hk/chi/tax/bus_cpt.htm#a02 - 報税表 法團 (有限公司) 的佐證文件)
如果有限公司要自己填稅表，就要識得睇份 Audit Report (首先要比錢核數)，自己識得計一份 Tax Computation，再填妥一份四(4)版紙嘅利得稅報稅表 (Profit Tax Return - PTR)。 所以，點解一般有限公司都唔會自己報稅，因為事實上都真係比較複雜同麻煩。
咁無限公司自己報稅，自己填稅表一般簡單好多~
以下呢個截圖就係 "個人報稅表" - 第5部份 (個人獨資經營 - 利得稅申報部份) ，基本上，如果自己識會計，出財務報表，同識得填呢幾個 Key Figures，獨資無限公司係可以自己報稅。
(Source:- https://www.ird.gov.hk/chi/tax/ind_sp_rep.htm - 申報利得税手續（獨資業務及合夥業務）)
因為只要你有做好 Book-Keeping + Keep 好晒單據，分清楚公司 vs 個人 支出同收入，唔好混埋一齊 (所以有公司銀行戶口其實好重要 - 有興趣睇埋呢個 Blog - 香港銀行|公司開戶|10問10答 Q&A)，咁其實公司報稅會太難 (加減數 = 收入減支出)，交 7.5% 稅 (首 $200萬應課稅利潤)。
當然，如果本身業務出入數係比較複雜，例如，用獨資無限公司開網店，另外又有一啲 Freelance 收入，有現金，有支票，有網上過數。然後又用個人銀行戶口收錢 + 比錢 【支付寶 + 獅子銀行 (PayMe) 】 中間又會夾住自己私人支出，啲數亂到七彩🌈。
咁你就要問一問自己，怕唔怕稅局查稅❓ 講緊到時要比晒全套個人銀行帳戶 Bank Statement 再比財務報表解釋得到間公司點報稅 (睇圖)
都溫馨提示返，一年稅局大概有 1,000 多少少隻 Cases 捉到出嚟罰款，每單平均都係 $10萬左右，自己衡量好風險，做個負責任嘅成年人就可以 😊。
幫一幫自己，1 分鐘 快速測試，公司每年報稅，有無以下情況，如果不幸發現有問題，你會希望比稅局早發現，以及喺未出事之前已經解決晒所有問題。
總而言之，公司報稅自已做就最好要真係識做，同埋做好帳簿、會計 + 保存業務記錄要求，因為，近2-3年，稅局 "高調" 查稅嘅情況係真心多咗 (可能平常無留意就唔多覺)，最好就自己檢查 review 一下，有懷疑未有齊稅局要求，就即刻搵間信得過嘅 Agent 為你 check 返次🙏🏻。
Q10. 公司報稅，有咩減稅方法？有無辦法做到不用交稅？
曾經有人問，公司報稅，可唔可以做到不用交稅 ❓
答覆亦都好明確 ❗ 最坦白果句，如果可以，咁稅局唔洗做啦 😅
認真，減稅，唔係唔得 😉 係要跟稅局規矩去減，唔係自己想點減就點減 😝 = 合法減稅 ❗ ❗ ❗
✅ TOP #01 減稅方法係咩 ❓ 其實老闆你已經做緊，就係開公司 ❗
香港月入 $5-6萬 其實好常見 (保險、物理(職業)治療、陪月、KOL、工程、地盤 = 個人專業類型)
開無限公司，以 『自僱』 形式經營，其實都好常見。舉個例子容易啲理解。好似揸車搵食朋友
當然，打工做僱員，老闆必定要供 MPF，買勞保，炒你有遣散費，聽落好似好多保障，但點解都選擇 『自僱』 ❓ 如果你明條數點計，又明白好多行內經營模式 (收入不穩定、判上判、無買足勞保)，想法可能有啲唔同。
開無限公司經營，除咗稅務優惠，供車可以落自己公司名 (= 最終架搵食車係自己嘅)，加上泊車、保險、牌費、維修，日常油費都可以扣稅 (一個月分分鐘 $1-2萬 支出)，仲可以用公司名義，工餘時間另外出去接 Job，加上頭 $200萬 應課稅收入 (即係扣除晒公司開支之後)，係交 8.25%稅 (有限公司) / 7.5%稅 (無限公司)，而唔係累進稅率果邊個已經踏入 17%稅階，所以，只要你夠勤力，絕對係多勞多得者的一種獎勵同優惠❗❗❗
✅ TOP #02 減稅方法，就係 "用盡" 可扣除開支。
香港公司利得稅計法，其實喺全世界而言，算係非常簡單
簡化到最基本，就係 - 收入 減 支出 = 應課稅收入 (睇圖)
而稅局亦都好直接，"所有" 由納税人 "為賺取應評税利潤" 而付出的各項 "開支費用"，均可獲准扣除
(Source:- https://www.ird.gov.hk/chi/tax/bus_pft.htm#a06 - 可扣除的開支)
所以，TOP #02 減稅方法，重點 就係點樣可以 用盡 可扣除開支，即係點 ❓
記住、記住、同埋記住，只要跟足稅局個要求同規矩，其實好多支出，都可以扣稅 (睇圖) ❗
✅ (01) 支出，要係為賺取應評税利潤的支出
✅ (02) 要保存業務紀錄 + 出帳簿 (做 Book-Keeping) - https://www.ird.gov.hk/chi/tax/bus_rke.htm (保存業務要求)
而相對而言，就記得唔好勉強要求 Agent 去減稅，例如
❌ 出現金糧，無單，無遞交 56M，無 MPF 記錄，請問點扣稅 ❓
❌ 買咗部 iphone 14，仲要係 Pro Max 版 1TB，公司做冷氣工程，請問點樣構成 "為賺取應評税利潤的開支" ❓
❌ 汽車支出，車位單據係屋苑樓下車位，架車係 Model S 跟個人名，要求 "公司支出"，點做 ❓
❌ Bank Statement 顯示上年5月 ATM 攞咗 $8萬 出嚟，無單，無 Book-Keeping，問返老闆，話 "唔記得"，但又話 "一定係" 公司支出，要求扣稅，點做❓
以上種種，講真，唔出聲 (但明知係害緊你) 會計照做，工作仲簡單啲快啲，不過，之後 Auditor 會唔出 Qualified Opinion❓ 萬一稅局查稅，又會唔會易話，咩都👌🏻 可以係公司可扣稅支出 ❓
想一開始成立公司已經清楚點幫自己慳錢💲又慳稅❓ 有興趣可以睇一睇公司以下呢一個 Blog
✅ TOP #03 減稅方法，出糧比自己 (限 "有限公司" Only )
特別係初創頭1-2年，裸辭創業嘅老闆。 可能一開始投資 $50萬 入去間有限公司做起動資金。 作為老闆嘅你，都要生活，所以，由有限公司聘請自己成為全職員工，例如 Business Development Executive，出糧 $20,000/每月 (一年 $240,000) 好合理吖，於是
(A) 公司一年有 $240,000 可扣稅支出，完全合法
(B) 你個人可以繼續每年善用返你個人免稅額，交一個好基本，甚至唔洗交稅 (如有供養父母)
咁好多老闆最大個關注係，咁間公司頭1-2年盤數計出嚟咪蝕錢囉 🤔
無錯，不過完全無問題，因為，有限公司可以將公司虧損部份，用於之後有賺錢年份，用嚟抵銷該年度的應評稅利潤 (如圖) 即係起步階蝕嘅錢，日後賺錢時可以 “抵稅” (抵銷利潤部份)，變相公司日後賺錢，報稅時都真係分分鐘不用交稅。
(Source:- https://www.ird.gov.hk/chi/pdf/dipn08.pdf - 稅務條例釋義及執行指引第8 號(修訂本) 利得稅虧損)
去到呢類減稅方法，已經開始踏入所謂稅務計劃 (Tax Planning) 嘅範圍，即係一般要按照 DIPN (稅務條例釋義及執行指引) 規定的一啲減稅方法，所以要求都較高，Agent 亦往往需要同公司有多年合作關係，先較容易為公司搵到合適而又可行的減稅方法。
(Source:- https://www.ird.gov.hk/chi/ppr/dip.htm - 稅務條例釋義及執行指引)
總括而言，公司減稅慳稅，絕對可以，係要留意果類無條件應承你，乜都唔洗做，表示可以好平做得到 "公司不用交稅" 嘅情況，變成勉強減稅情況，個結果唔係幫緊你，而係害咗你❗
搵 CatcherBiz 跟進公司 會計、審計、報稅服務
老實講，CatcherBiz 唔係 Big 4 果種大公司，無一百幾十位員工可以調配，而公司亦都唔想因為接多咗生意，要同事晚晚開 OT 😭😭😭。之但係，香港 超過 80% 公司，財政年度唔係12月31日，就係3月31日，仲未計獨資無限公司嘅客戶，於是，人手上，其實係會優先預留比現有客戶，一般只有少量空間接街外客。
所以，要盡可能 香港人 幫返 香港人💪🏻，唯有花額外時間出呢一個詳盡堅有用 + 圖文並茂嘅 Blog Post，希望內容都有幫到你手🤝🏻。 如果信得過 CatcherBiz ，想搵我哋幫手公司報稅，都建議於公司周年年檢時，已經轉由 CatcherBiz 管理公司 (做公司秘書)，事先做妥 KYC，預留時間做好 Book-Keeping (有需要，會送 Template 比你)，慳錢之餘，亦較容易安排人手為你跟進，講真，唔係有生意唔做，而係接得你生意，真心唔想全套服務都外判晒出去比行家就算🙏🏻。又如果真係好想要問 CatcherBiz 攞報價，可以直接睇返 Q3，然後 加(+)10-15% 就會係大約個報價 (唔好意思，現有客戶個價錢一定係會靚少少🙇🏻♂️)。
而如果你已經係 CatcherBiz 嘅客戶，只要老闆有用 CatcherBiz Book Keeping EXCEL Template (客戶免費提供)，做好日常入數工作，公司一年(12個月) 少於 100條 Transactions (出入數)，營業額少於 $20萬，會計, 審計 + 稅務申報，全套服務 都會盡可能計平啲比你💖💪🏻
有其他問題，直接 WhatsApp 我哋 約個時間傾一傾 😊。 因為 10問10答 Q&A 無 Cover 到嘅，一般都已經係 Case by case 情況，要先了解公司業務同背景先可以比到意見你 🙏🏻
Comments